Тексты
Вернуться к списку | редактировать | удалить | Создать новый | История изменений | Статистика | ? Помощь
Valentina Libertsova. Alavozes tansitah kaikin!
Valentina Libertsova
Alavozes tansitah kaikin!
карельский: ливвиковское наречие
Новописьменный ливвиковский
Alavozen kul’tuurutalois
12. sulakuudu piettih XII tansimarafonu , kuduah yhtyttih paikallizet tansijoukot dai gost’at Videles , Koveris , Jessoilas , Tolvujaspäi .
Alovehellizet tansimarafonat Alavozen kul’tuurutalois jo roittihes perindönny , sentäh gu kyläs ainos on vägitukku tansijoukkoloih käyjiä dai on kel opastua da ohjata .Se algavuu jo Päivykukkaine-päivykois , kus alalleh pruazniekkupidoloih varustetah tansinoumerua .Täh marafonah yhtyi kaksi tansijoukkuo – "Zv’ozdočki " da "Pčolki ", kudamii opastettih Larisa Hud’akova da Natalja Godareva .
Sanotah , Alavozen lapsile lykysti , gu tänne tuli ruadamah Mi-šouansijoukon ohjuaju nerokas L’udmila Kirillova , kuduan kai kolme erigästy tansijoukkuo puututtih marafonan voittajikse .Anuksen sportuškolan Impul’s-sportutansiloin ozaston kaksi eri-igästy joukkuo tuldih Alavozen lavale , gu kodih , ohjuajannu sie on meijän nuori neidine Darja Tarabukina , kudai alalleh kävyi L’udmila Aleksejevnan kerholoih , a sit loppi Kul’tuurukolledžan da tuli ruadamah roindumuale .
Lapset kilbailtih enzimäzes ozas , ruavahembat – toizes .Tiettäväine , omua tuttavua Silmykaivo-tervehysjoukkuo alavozelazet vastattih ylen lämmästi , ga gostiigi kačottih mielihyväl .Videlen niistielöin da vahnoin internuatan Karabas-Barabas -tansijoukko ozutti kummakkahii šuutkuezityksii ."Koverčanka " Koverispäi da "DušiGreja " Tolvujaspäi ozutettih rahvahallizii da ižänmuansuvaičuksen tansiloi , ilmoitettuloi Voiton 80-vuozipäiväkse . A parahasti , ylen čomah luaduh kaunehis ruutis , nerokkahasti da ammatillizesti joga liikkehes , ozutettih rahvahallizii tansiloi "Čomat tytöt " Jessoilaspäi , ohjuaju L’ubov’ Bogol’ubova .Kaččojat lujah pläkytettih kämmenii , kirruttih "Bravo !", a arvostajien joukko andoi heile enzimäzen sijan da voittajan arvonimen .Hyvittelemmö !
Passibo hyvis mielis !Ei sudre marafonan vedäi da Alavozen kul’tuurutaloin johtai Ol’ga Bogdanova sanonuh : "Alavozes tansitah kaikin !"
Alavozes tansitah kaikin!
карельский: ливвиковское наречие
Новописьменный ливвиковский