Тексты
Вернуться к списку | редактировать | удалить | Создать новый | История изменений | Статистика | ? Помощь
Uljana Tikkanen. Vesläžed piettih Karjalan kielen päivä
Uljana Tikkanen
Vesläžed piettih Karjalan kielen päivä
карельский: собственно карельское наречие
Новописьменный севернокарельский
Lapšien
folkloriyhtyveh "Vesläžed " joka vuosi valmistau Karjalan kielen päivyä .Še on yhtyvehen pruasniekka , missä lapšet esitetäh konserttiohjelma karjalan kielellä ta kilpaillah kielitaijošša .
Tänä vuotena konsertti oli omissettu vuuvvenajoilla : lapšet luvettih Valentina Karakinan ta Nina Arhipovan runoja talvešta , kevyäštä , kešäštä ta šykyšyštä .Niijen mukah ohjelmašša oli nellä ošua ta joka ošašša oli šuurempi esityš : varjoteatterin avulla esitettih ket’t’ustarina , "Kalevalan " runoja , joijuttih ta laulettih – kaikki oli karjalan kielellä .
Karjalan kielen päivän toisešša ošašša lapšet jakauvuttih viiteh ryhmäh , joka ryhmäššä oli vähintäh viisi henkie .Joka ryhmän piti olla viijellä ašemalla ta šuorittua kielitehtävie , kumpasie yhtyvehen opaštajat Polina Vorobjova ta Ol’ga Gabukova valmissettih .Kielipelien avulla lapšet ruttoh opaššutah uušie šanoja ta heilä kašvau kiinnoššuš kielen šäilyttämiseh .
Vesläžed piettih Karjalan kielen päivä
карельский: собственно карельское наречие
Новописьменный севернокарельский