Тексты
Вернуться к списку | редактировать | удалить | Создать новый | История изменений | Статистика | ? Помощь
Uljana Tikkanen. Tuulitar yhisti tanššijie
Uljana Tikkanen
Tuulitar yhisti tanššijie
карельский: собственно карельское наречие
Новописьменный севернокарельский
Koštamukšelaiset keräyvyttih
erilliseh Tuulitar-tanšširyhmäh .Šen johtajakši tuli Jevgenija Pullinen .Ryhmän tehtävänä on opaštuo karjalaisie tanššija ta šäilyttyä niitä .
Tuulitar-ryhmä yhisti koštamukšelaisie , kumpaset tahotah opaštuo tanššimah ta viettämäh aikua šamamielisien ihmisien šeurašša .Enšin vaštautumiset piettih tanšši-illaččujen muuvvošša , a šiitä pitojen vakituiset ošallistujat yhissyttih ryhmäh ta ruvettih käymäh harjotteluih ta opaštumah karjalaisie tanššija .
Jevgenija Pullinen ruatau Koštamukšen kirjašton Kanšainvälisen yhteisruavon keškukšen spesialistina šekä kanšallisien šeurojen toiminnan kurattorina .Kirjašto kannattau uuvven ryhmän toimintua ta šentäh šieltä löyty paikka ryhmän harjotteluih .
– Tanšši on miun šuuri innoššuš . Viime vuotena myö rupesima keräytymäh Hete-ryhmän tanšši-iltoih , a šiitä šynty ajatuš , jotta pitäy keräytyö šiännöllisešti opaštumah tanššija , jotta šiitä tanššie niitä Hete-ryhmän lauluilla tahi iččenäisešti , kerto Jevgenija .
Kotvasen piäštä tuli šelvä , jotta kaikilla še on mukava ta on halu jatkua kehityštä .Šilloin piti kekšie ryhmällä nimi .Jevgenija halusi , jotta še olis šemmoni šana , mitä šamoin kirjutettais ta šanottais kaikilla murtehilla .Še on mukava , konša ryhmä rupiey käymäh esiintymäššä toisih piirilöih , a esityšmatat kuulutah ryhmän šuunnitelmah .
– Meilä oli varianttija "Mieli ", "A-voi-voi ", "Pohjola ". Ka ne kaikki ei paššettu .Šilloin mie ehotin kiäntyö mifologijan puoleh ta niin karjalaisešta mifologijašta löysimä Tuulitar-nimen .Konša mečäštäjät käytih mečäššykšeššä , ni kyšyttih haltielta apuo , još hirši oli polulla tahi tuhjot taipalella tahi aita oli noššettu vaštah , jotta še ottais ne eštehet pois .Myö piättimä , jotta še nimi šuojelou meijän ryhmyä kaikešta pahašta , šelitti ryhmän johtaja .
Koštamukšešša ei ollun šemmoista ryhmyä , missä ošallistujat vain tanššittais , toisissa ryhmissä äijän lauletah tahi valmissetah spektaklija .Tuulitar-ryhmä yhisti niitä , ket tahottih juuri tanššie .Ryhmäššä on 17 henkie ta šuurin oša on nuorie .Hyö jo esiinnyttih Kanteletar-festivalissa Koštamukšešša šekä ryhmällä oli enšimmäisie esityšmatkoja .
Kevätkuušša "Tuulitar " oli kučuttu Veikko Pällisellä nimitettyh festivalih Kalevalah .Šulakuušša yhtyveh kävi Lahenpohjah ta Sortavalah , missä piti Šuanko tuttavuštuo -ohjelman .Še kertou tuttavuštumisen perinteheštä , kuin še mäni ta mimmoni oli tanššin rooli tärkieššä tapahtumašša .
Nyt ryhmän ošallistujat innokkahašti valmistauvutah kešäjuhlih , missä tanšši on eruomatoin oša .
Tuulitar yhisti tanššijie
карельский: собственно карельское наречие
Новописьменный севернокарельский