Тексты
Вернуться к списку | редактировать | удалить | Создать новый | История изменений | Статистика | ? Помощь
Bronzova Aleksandra . Ampumahiihto koštamukšittain
Bronzova Aleksandra
Ampumahiihto koštamukšittain
карельский: собственно карельское наречие
Новописьменный севернокарельский
Venäjän
18 alovehelta šekä Valko-Venäjältä tuli 355 urheilijua ta 153 valmistajua ta kaimuajua – šemmoni desantti piäsi Koštamukšeh , jotta ošallistuo lapšien ta nuorien ampumahiihto-kilpailujen finalih Anna Bogalin urheilumal’l’ašta šekä Karjalan tašavallan piämiehen lahjoista .
Še on šuuri ampumahiihtopereh , kummaista yhistäy rakkahuš urheiluh .Urheilumal’l’an kilpailujen loppuošan piäpartn’orina , kuin viime vuotenaki oli Severstal’-yhtyveh .
KALITTOJEN TA LIPPUJEN KERA
Monet urheilijat tultih Moskovašta Koštamukšeh erikoisella hiihtojunalla , kumpasen reissu oli järješšetty piätäkauten kilpailun pitämisen ajakši .
Junašta tulluita urheilijie ta valmistajie vierahanvarasešti otettih vaštah karjalaisien tapojen mukah .Ašemašillalla kuulu musiikkie , a tuuli heilutti urheilijien alovehien lippuja .Harvoin voipi nähä Koštamukšen rautatieašemua niin melusana ta kirkkahana !
Tulluita kostitettih kalitoilla – kaupunkin vierahat mielelläh šyötih perintehellisie karjalaisie piiraita .
– Passipo šuuri lämpimäštä ta kaunehešta vaštahotošta . Luulen , jotta lapšilla ta aikuhisilla še jiäy muistoh pitäkši ajakši .Korkeimmat arvošanat järještäjillä idejašta ta šen toteuttamisešta ! šemmosen arvoštelun kirjutti yksi valmistajista .
TERVEH , KOŠTAMUŠ !
Enšimmäiset kilpailut alettih šulakuun alušša , a juhlalliset avajaiset piettih 6. šulakuuta .Avajaisien juhlallini oša alko Venäjän ta Karjalan gimnien esittämiseštä šekä meijän muan lipun noštamisella .
Urheilijie tervehittih Karjalan opaššuš - ta urheiluministerin enšimmäini šijahini , Federalisen turvallisušpalvelun Koštamukšen rajavirašton piällikkö Nikolai Averkijev , Koštamukšen ta Kemin piispa Boris , Koštamukšen kaupunkipiirin piämieš Sergei Novgorodov ta Olimpijakisojen kakšikertani voittaja Anna Bogalii .
– Šuurimpana eštehenä , mi nousi meijän ieššä , oli taistelu lumen kera ta taistelu lumešta , korošti lavalta Anna Ivanovan . – Myö olemma kiitollisie Koštamukšen startin piäpartn’oriloilla – Severstal’-yhtyvehellä , "Karjalan pelletillä ". Kiitän valmistajie ta kaikkie , ket ošallissuttih tapahtuman järještämiseh .Monien lapšien kera myö kerkisimä šeuruššella – opaššušluokašša meilä oli vaštautumisie , kumpasilla oli erinomani ilmapiiri .Mitänih mie opaššan teilä ta mihnih opaššun teiltä .Mie olen varma , jotta työ voitta ruatua kaiken .Työ voitta panna ičellä šuuret tavoittehet ta šuaha ne .Šentäh kun työ oletta ampumahiihon tulovaisuš .Toivotan teilä voittuo – ennein kaikkie on tärkie voittua oman ičen .Valmistajilla toivotan tervehyttä , käršivällisyttä , voimie ta mäneššyštä .
Ampumahiihto koštamukšittain
карельский: собственно карельское наречие
Новописьменный севернокарельский