Тексты
Вернуться к списку | редактировать | удалить | Создать новый | История изменений | Статистика | ? Помощь
Васильева Наталья. Yheššä ruamma uškuon Voittoh
Васильева Наталья
Yheššä ruamma uškuon Voittoh
карельский: собственно карельское наречие
Новописьменный севернокарельский
Šotaoperatijon alovehella
taistelija šotilaš lähetti šemmosen viessin Kepan Plastinočka-naisklubin jäšenillä :
"Val’a-täti , Kepan ämmöset , šuakua miulta ta kaikilta šotilahilta kiitokšie avušta .Teijän ruato on ylen tärkie ta merkittävä .Teijän käsin kuvotut verkot šuojellah meijän elämie .Myö tiijämmä , jotta voito on meijän puolella ".
Plastinočka-naisklubi oli järješšetty Kalevalan piirin pieneššä pos’olkašša kakši vuotta takaperin .
Ennein Kepa oli melko šuuri mečänhakkuajien pos’olka .Konša mečänhakkuu-ala oli hajotettu piirissä , ihmiset jiätih ilman ruatuo , nuoret ajettih pois pos’olkašta ta nyt šielä toimiu vain koulu .Pos’olkašša ei ole nimitä valmissušta , poštie , kulttuuritaluo .Jäi vain pari šatua eläjie – melkein kaikin hyö ollah eläkkehellä .
Huolimatta šemmoseh tilanteheh pieneššä pos’olkašša eläy oman muan kohtalošta huoleštunuita ihmisie , kumpaset aina ollah valmehet tulla apuh .
Naisklubin järještäjäkši tuli Valentina Kuznetsova : hiän šai yhistyä ičen ympäri toisie naisie ta šuaha yhtehyttä Koštamukšen volont’orijärještöh .Tällä hetkellä "Plastinočka " hyvin ruatau 10. aloveh -volont’oriliikkehen šiiven alla .Hyö yheššä autetah šotilahie , kumpaset ollah rintamalla , puoluštajien perehie šekä šotilaššairalien toiminnašša .
Kahen vuuvven aikana Kepan volont’orit kuvottih verkkoja , tikutettih lämpimie šukkie , liivijä , pitkävaršisie šormikkahie .Hyö valmissetah kašviksie kuivattavakši , oššetah tarvittavie tavaroja sponssorien rahalla .
10. aloveh -järještö lähettäy Kepah materialija ta niistä Kepan naisien käsin ahkerašti on kuvottu jo 142 peittoverkkuo , tikutettu 257 parie šukkie ta varrettomie šukkie , 12 liivie . Niijen lisäkši šotilahilla on lähetetty muutaki tavarua .
Ei ammuin Kepan eläjien luona kostissa oltih kalevalalaiset volont’orit : kuukauši takaperin hyö järješšyttih yhteh volont’oriliikkeheh "Vepa ".Šitä ennein naiset ruattih iččenäisešti ta keräytyö yhteh šeurah oli hyvä piätöš .
Kalevalan , šamoin kuin ni Kepan volont’orišeura , on Koštamukšen 10. aloveh -volont’oriliikkehen ošašto .Niitä ošaštoja on 27 koko tašavallašša ta liikeh yhistäy 600 volont’orie .
Kepah käytih 10. aloveh -järještön johtaja Jelena Zez’ul’čik ta hänen apulaini Natalja Ribak .Hyö piettih kaikilla keräytynyillä verkkojen kutomisen muasterioppija ta näytetih kutomisen uušie keinoja .Volont’orit kerrottih omašta kokemukšešta , šuatih yhtevyttä toini toiseh , nähtih šuojavaruštehien uušie mallija , kumpasie ruvettih ompelomah Koštamukšešša .Kalevalašša ta Kepašša niise kohta ruvetah kutomah uuvven mallin verkkoja , kumpasie rintamalla kučutah "Kikimorakši " ta kumpasie oikein tarvitah .Volont’orit ruvetah ruatamah uškuon Voittoh ta yhistämiseh šekä Venäjän hyvänvointih .
Yheššä ruamma uškuon Voittoh
карельский: собственно карельское наречие
Новописьменный севернокарельский
"