Тексты
Вернуться к списку | редактировать | удалить | Создать новый | История изменений | Статистика | ? Помощь
Bronzova Aleksandra . Karjalaini suveniiri kantau merkityštä
Bronzova Aleksandra
Karjalaini suveniiri kantau merkityštä
карельский: собственно карельское наречие
Новописьменный севернокарельский
Koštamukšelaisien Tatjana Vasiljevan ta
Nadežda Savinan luatima Matka Karjalua myöten -stolapeli voitti alovehien väliseššä kilpailušša "Turistisuveniiri – Venäjän hopieset helmet ".
Šen prestiišikilpailun loppuvaihe mäni Svetlogorskissa šulakuun 15.–17. päivinä .Tilaisuš yhisti turistisuveniirien luatijie Luoteis-Venäjän kymmeneltä alovehelta .468 ilmotetušta työštä finalih piäsi vain 235. Niijen kešen oli 27 suveniirie Karjalašta .
Matka Karjalua myöten -peli on šarja 50 kortista , kumpasissa on esitetty meijän tašavaltah šivottuja aiheita : marjoja , perintehellisie ruokie , "Kalevalan " henkilöjä , nähtävykšie , mečän eläjie .Šamoin pelih liittyy kirja , kumpani kuvuau kaikkie , mitä on piiruššettu korttiloih ta kirjani , kumpani kertou Karjalašta .Peli on tarkotettu yli viisivuotisilla lapšilla .
Arvoštelijakunnalla peli esitettih kahešša variantissa : lahjapakkaukšešša ta pläkkipurkissa (matkaversijo ).Arvoštelijat arvoššettih merkitykšellistä šisältyö ta visualista vaštahottuo šekä suveniirin mukavutta : šen piti olla pienikokoni ta kepie , jotta turisti vois ottua še matkah ilman proplemoja .
Tatjana Vasiljeva kerto , mitein ilmešty karjalaisen pelin luatimisen ideja :
– Pelin ideja tuli mieleh , konša opaššuin sosialiliikehtoimintua .Opaššušta vietti Karjalan tašavallan Miun bisnessi -keškuš .Šiinä valmissettih enšimmäini bisnessi-projekti ta šen aihiena oltih pelit , kumpaset kuvaššettais meijät alovehen kulttuurie , elämyä , perintehie , luontuo .Myö piättimä luatie Karjalah šivotun stolapelin .Šuunnitelmissa on tämän šarjan kehittämini , vet kaikki tiijot ei mahuttu 25 korttih .Työkappalehissa on vielä vähintäh kolme pelie .Meinuamma luatie peli nuoremmilla lapšilla .Šamoin šuunnitelmissa on pelijä Venäjäštä .
Pelin luatimisen prosessi oli hiitaš ta vaikie .Piti piiruštua korttija , luatie mallija , taittua , kerätä ta valmistua tekstijä kirjua ta kirjaista varoin .On šuoritettu šuuri ruato .Pelie monissettih muutoma kerta , a šiitä valmissettih šitä loppuh , jotta ottua huomijoh kaikki yksityiskohat .
– Luatima tämän pelin kahen maksimalisešti käyttyän omie mahollisukšie , šanou Tatjana Vasiljeva . – Nadežda oli valmistaja , käsikirjuttaja ta tekstittäjä , a mie vaštasin taito-ošašta – kuvitukšista ta grafillisešta disainista . Nadeždan lapšet etuššettih tarkotušryhmyä – testattih , yritettih pelata .Šemmoni simbiosi anto luatie toveštah kokonaisen tuottehen .
– Emmä voinun lähtie loppuvaihieh Svetlogorskih , ka Karjalan tašavallan Kehityškorporatijo tuli meilä apuh . Hyö työnnettih kilpailuh kakši henkie , ket etuššettih Karjalan suveniirien tuottajie , kerto Tatjana .
Lopulta kaikki mäni šujuvašti ta koštamukšelaisien peli šai ašnitun hyväkšynnän ta piäsi enšimmäisellä paikalla Turistisuveniiri lapšien turismie varoin -nominatijošša .
– Meijän peli on oikie karjalaini suveniiri luatijan kuvitukšineh , disainiloineh ta aiheineh , kumpaset kuvaššetah meijän muan henkie . Kilpailu oli oikein šuuri , ka arvoštelijat tunnuššettih meijän työ parahakši !Nyt meijän peli on Venäjän hopieset helmet -projektin oša .Federalini projekti eistäy Luoteis-Venäjän turismie ta kulttuurie .Še on enemmän kuin voitto .Še on pelissä toteutettu rakkahuon tunnuššanta Karjalua kohtah , lopetti oman kertomukšen Tatjana Vasiljeva .
Voitto alovehien väliseššä vaihiešša antau mahollisuon ošallistuo Turistisuveniiri-kilpailun kanšalliseh loppuvaihieh , missä rupieu kilpailomah turistisuveniirien luatijie ta tuottajie , kanšankäsitöijen muasterija , musejoja , yritykšie ta laitokšie , kumpasilla on oikeuš suveniiriluottehih ta niijen idejah koko Venäjältä .
Karjalaini suveniiri kantau merkityštä
карельский: собственно карельское наречие
Новописьменный севернокарельский
–