Тексты
Вернуться к списку | редактировать | удалить | Создать новый | История изменений | Статистика | ? Помощь
Valentina Libertsova. “Kimalehuot” opastutah muamankieleh
Valentina Libertsova
“Kimalehuot” opastutah muamankieleh
карельский: ливвиковское наречие
Новописьменный ливвиковский
Karjalan
rahvahien muamankielien da kul’tuuroin nedälin hantuzis puutuin kahtele pivole Alavozen Päivykukkaine-päivykodih , vahnembah Pčolki-joukkoh .Lapset toven ollah , gu kimalehuot , boikoit da mielevät .
Livvin kielen da muuzikan opastai Natalja Godareva kučui minuu paginkanzakse Mieldykiinittäjät Alavozen ristittyöt -projektan mugah .Tämän joukon lapset vaste zavodittih opastuo muamankieldy , ga tunduu Nataljan hyvä kazvattamine da opastamine .
Enzimäi lapset kyzeltih ven’akse minun elaigah da pereheh nähte .Myö yhtes juohatimmo karjalazii sananlaskuloi , yhtes luvimmo Tatjana Baranovan kiännetyn Meijän Tan’a -runon , pajatimmo , vietimmö kruugua .Lapset mielihyväl kižattih kižoih "Kalat-verkot ", "Istu , istu , Juakoi ", "Guli-guli ", bajutettih tyttilöi karjalazen baijutuspajon vuoh .Nägyi , lapset jo kuda-midä maltetah , mustetah da ellendetäh , ollah kiinnostunnuot kieleh .Minul pidi kyzyö lapsil , kui kuulutah heijän nimet livvikse .Nygöi äijät vahnembat pannah lapsile kummakkahii da ulgomualazii nimii .Lapsii miellytti muuttua omii nimilöi karjalazeh tabah , ku net kuuluttas sulavasti : Kost’oi , Kost’ine , Miroi , Miraine , Janaine , Dianaine , se lapsii dai kazvattajii ylen äijäl miellytti .
Jälles tostu huondesveruo "kimalehuot " astuttih vahnas stadionas poikki prihodan kodih vastavumah Tatjana Ivanovna Iščejevanke , kudai sego kuuluu "Mieldykiinittäjih Alavozen ristittyzih ", sentäh , gu jo eläkkehel olles vedäy prihodan Pyhänpäivän školua , kuivuau magiedu heinyčuajuu , on nerokas käziruadoloih .Lapset händy sežo kyzeltih , a sit kuunneltih Jumalan elaigah da Äijänpäivän pruazniekkah nähte .Tiettäväine , sih ilmestyttihgi karjalazet perindöt da tavat .Muga lapset varustuttih azumah da čomendamah pahvijäiččäzii , meil annettih lahjakse čomendetut puuhizet mustomerkit , Tatjana Ivanovna heile andoi pikkarazet kananpoigazet kiriköspäi .
Tossupiän myös vastavuin "kimalehienke " Kul’tuurutalois , kunne hyö tuldih kuulužan neroniekan Tatjana Jušinalluo .Häi silkeskie opasti naizii luadimah Äijänpäivän tyttii .Naizet jo oldih loppemas omii ruadoloi , ozutimmo net lapsile .Vie lapset tiijustettih , kui kuvottih kangastu da hurstiloi kangaspuuloil .Jälles fotokuvuandua mendih muzeih – Bojukunnivon zualah da Karjalan DNK-zualah .
Passibo kazvattajile Natalja Godarevale da Vaher Viktorijale muamankielen da oman muan perindölöin kannatukses .Inehmizet mollei ollah huolestunnuot , gu lapset tiettäs enämbän oman kodimuas histouries da kul’tuuras .
“Kimalehuot” opastutah muamankieleh
карельский: ливвиковское наречие
Новописьменный ливвиковский