Тексты
Вернуться к списку | редактировать | удалить | Создать новый | История изменений | Статистика | ? Помощь
Luvento 1. Mitein tarkaštua rahojen alkuperäisyttä
Luvento 1. Mitein tarkaštua rahojen alkuperäisyttä
карельский: собственно карельское наречие
Новописьменный севернокарельский
Luotettavin tapa
erottua alkuperäset paperirahat valehrahoista on viijä ne pankkih tarkaššettavakši .Še on ilmaista , ka ei aina mahollista .On tilantehie , konša aikua ei riitä ta šiun pitäy tarkaštua rahat ičen .Šelvitämmä , missä tapahukšissa šiun pitäy olla erityisen valppahana ta mitein tunnuštua valehrahat .
Konša ta missä šiun kannattau tarkaštua rahat ?
Rahat kannattau tarkaštua paikoissa , missä ei ole erityisie laittehie paperirahojen alkuperäisyön tarkistamista varoin : pieneššä kaupašša , kioskissa , kahvilašša , torilla , tuntomattomalla polttoainehašemalla .Riski kašvau , konša myöt mitänih käsimakšulla , olkah kyšyššä auto , huonehkalut , elektroniikka tahi henkilökohtaset tavarat .
Šiun pitäy olla erityisen varovaini šuurien paperirahojen kera .Ušiemmin rahanviärentäjät viärennetäh viijen tuhannen rupl’an paperirahoja .Tuhanšie "piiruššetah " harvemmin , ka myö käytämmä niitä äijyä rikenempäh , niin jotta tovenmoisuš löytyä niitä omašta kukkarošta on šuurempi .500 rupl’ua viärennetäh harvoin , ta 5, 10, 50 ta 100 rupl’an paperirahoja ei viärennetä melkein konšana , še ei ole hyövyllistä mošenniekoilla .
Mitä ruatua , još šattu valehraha ?
1. šiäntö . Šiun pitäy tarkaštua paperirahat ennein kun panna ne kukkarohoš .Još šiula on pienieki epäilyjä , kyšy ne vaihtua tahi kieltäyvy kaupašta .
2. šiäntö . Još löysit epäiltävän paperirahan jo kukkaroštaš , ni missänä tapahukšešša elä yritä makšua šillä .Još še tovella on valehraha , ni vähin mi šilma voit vuottua on pitkä šelityš poliisin kera .
3. šiäntö . Vie epyältävä paperiraha vaikka mih kauppapankkih .Voit olla , jotta raha on alkuperäni , ka vammautunut – šilloin šiun b’udžetti ei kärši .
Tutkimuš on ilmani .Ušeičči pankin spesialistit šuoritetah še šuorah šiun ieššä .Još paperiraha on vammautunut , ka še voipi vaihtua , ni pankki antau šiula uuvven .
Toičči on melko vaikie miärätä paperirahan alkuperäisyttä , šemmosissa tapahukšissa kauppapankin ruatajat lähetetäh šiun paperiraha tarkaššettavakši Venäjän federatijon keškušpankkih .Još raha tunnuššetah alkuperäsekši , kauppapankki šiirtäy še šiun tilillä .Još raha tunnuššetah viärennetykši , ni šen arvuo ei korvata .
Kuin tarkaštua rahat ilman erikoislaittehie ?
Nykyjäh yšiemmat paperirahat on luajittu vuotena 2004 ta myöhemmin , toiset pikku hil’l’ua lahotah ta ne otetah pois liikkeheštä .Kaikissa uušissa paperirahoissa on yhtehisie alkuperäisyön merkkijä , mit nävytäh äšen ilman šuurennušlasie .Esimerkiksi , valuo vaššen piettynä nävytäh vesileimat ta holografini turvalanka paperirahan nimellisarvoneh .Kirjutuš "Venäjän Pankin Lippu " on kumura – šitä voit tarkaštua tunnuštelomalla .Peitetyt simvolit "RR " (huom : luve "er er ") tai rupl’an merkki yksivärisillä alovehilla voipi nähä , još kallistua paperiraha ta kaččuo šitä teräväššä kulmašša .
Šuurilla paperirahoilla käytetäh lisäturvaominaisukšie .Tarkaštelemma niitä vuuvven 2010 5 000 rupl’an paperirahan esimerkillä .
Enšimmäini merkki .Habarovskin värikäš vuakuna : kun paperirahua kallissetah , šen yli vieriy kirkaš kiiltäjä juova .
Toini merkki .Lisävesileima : Nikolai Muravjov-Amurskin muotokuva .
Kolmaš merkki .Čukeltaja holografini turvalanka etupuolella : kun paperirahua kallissetah , 5000-luvun eri numerot näytetäh "tanššijilta ".
Nelläš merkki .Ruškiet ta vihriet muarijuovat yksivärisellä tauštalla , kumpaset nävytäh kallellah .
Viiješ merkki .Mikroreijityš , mi näkyy valuo vaššen piettynä : Habarovskin vuakunan alla näkyy 5000-luvun muotosie mikroreikien rivijä .
Kuuvveš merkki .Reunoilla kohoviivat ta Venäjän keškušpankin tunnuš , kumura tunnuštelomalla .
Šeiččemeš merkki .Rahapaperin šarjanumero erikorkeilla numeroilla : rahapaperin vašemmalla puolella olijan luvun numerot kašvetah vähitellen vašemmalta oikiella .
Täyvellini luvettelo kaikkien rahapaperien alkuperäisyön ominaisukšista löytyy Venäjän keškušpankin cbr .ru -saitilta (huom : luve "si bi ar točka ru ") ta mobiilišovellukšešta "Venäjän Pankin Paperirahat ".Šovelluš näyttäy šuojeluominaisuot interaktiivisešša muuvvošša : enšin voit tarkaššella niitä mopikan näytöllä ta äšen simuloija tarkaššušta valuo vaššen , kallistamalla ta tunnuštelomalla .Kun olet harjotellun virtualisen rahapaperin kera , on helppo tarkaštua kaikki nämä merkit oikiešta paperirahaštaki .Voit lat’ata šovelluš App Storesta ta RuStoresta .
Ajan mittah Venäjän raha modernisoituu .Šuurimman ošan tällä hetkellä liikkeheššä olijien paperirahojen disaini oli šuunniteltu noin 30 vuotta takaperin .Šentäh tarviččou luatie niijen puoluššuškompleksi nykyaikasemmakši .
Uuvvet paperirahat otetah liikkeheh pikku hil’l’ua , korvaten kulunuot paperirahat , ta ne ollah šamoin liikkeheššä vanhojen paperirahojen rinnalla .
Otamma esimerkiksi Venäjän keškušpankin vuotena 2023 liikkeheh lašettu uuši 100 rupl’an paperiraha .
Uuši 100 rupl’an paperiraha on tyyliltäh šamanlaini , kuin vuotena 2017 julkaistu 200 ta 2000 rupl’an paperiraha – še on kirkaš ta nykyaikani .Uuvvissettu 100 rupl’an paperiraha on luajittu oliivin ta oranššin värilöissä .Piäkuvan etupuolella on fragmentti Moskovan Kremlin Spasskaja-tornista kelloineh , ta takapuolella on Rževin muistomerkki Neuvoštoliiton šotilahalla .Valuo vaššen piettynä niät monivärisen yhisselmävesileiman Spasskaja-tornin fragmentin ta 100-luvun kera šekä turvalankan : še näyttäy tummalta juovalta , missä on 100-luvun valkeita toistuvie kuvie .
Kun paperirahua heilutat , valkiet šuorakulmaset elementit liikutah pintah tulijilla turvalankan palasilla ylöš ta alaš , ta teräväššä kulmašša kallistunuona näkyy värillini kuva rupl’an simvolista ukonkuaren tauštalla .
Uuvvet paperirahat šisälletäh QR-koodi .Kun skannuat šen mopikalla , šiut ohjatah Venäjän keškušpankin saitilla , mi šisältäy täyvellisen kuvaukšen modernisoitun paperirahan ulkonävöštä ta alkuperäisyön merkkilöistä .Voit niise tutuštuo venäläisen rahan alkuperäisyön merkkilöih Venäjän pankin paperirahat -mobiilišovellukšen avulla .Huomua kuitenki , jotta šovelluš ei miäritä paperirahan alkuperäisyttä : še vain šelittäy yksityiskohtasešti , kuin voit iččenäisešti varmistua , jotta et ole šuanun valehrahua .
Luvento 1. Mitein tarkaštua rahojen alkuperäisyttä
карельский: собственно карельское наречие
Новописьменный севернокарельский