Тексты
Вернуться к списку | редактировать | удалить | Создать новый | История изменений | Статистика | ? Помощь
Luvento 4. Mitä ruatua, još šiun oikeuvet on rikottu?
Luvento 4. Mitä ruatua, još šiun oikeuvet on rikottu?
карельский: собственно карельское наречие
Новописьменный севернокарельский
Oššit
vakuutukšen , otit laihinan tahi šijotit rahat arvopaperiloih , ka olet hermoštun tulokšešta .Laihinamakšut tultih luvattuja šuuremmiksi , vakuutušta ei makšeta , rahašiäštön ieštä jouvuit ottamah toisen tuottehen ...Täššä luvennošša kerromma – kunne sualiutuo šemmosissa tapahukšissa ?
Još ušot , jotta pankki , valtijošta riippumatoin eläkehšiätijö , mikrorahotušjärještö , vakuutuš - tahi välityšyhtivö rikko šiun oikeukšie , ota yhteyttä Venäjän Pankkih .Tämä regul’attori valvou kaikkie rahotušjärještöjä šekä ošakehyhtivöjä .
Venäjän Pankilla on kuluttajanšuojan ta rahotušpalvelujen šuatavuon varmistava palvelu .Valituš voit lähettyä virallisella www .cbr .ru -saitilla olijan online-vaštahoton kautti šekä poštičči tahi henkilökohtasešti Venäjän Pankin julkisen vaštahoton kautti .
Regul’attori käsittelöy monimutkasie tilantehie ta antau tarvittuas’s’a järještöillä miäräykšie rikkomukšen poistamisekši .Još yritykšet ei vaššata miäräajašša , Palvelu luatiu ta toimittau suutuh hallinnollisien rikkomukšien protokolit .
Kenen piällä voipi valittua ?
Voit valittua Venäjän Pankilla šeuruavien rahotušlaitokšien piällä :
pankit ;
luottotoimisto ;
vakuutušyhtivöt , vakuutušasiemiehet ta muut vakuutušmarkkinojen toimijat ;
mikrorahotušjärještöt , kulutušluotto-ošuuškunnat (KPK ), ašuntošiäštö-ošuuškunnat (ŽKH ), muatalouven kulutušluotto-ošuuškunnat (SKPK ), lombardit ;
valtijošta riippumattomat eläkehrahaštot (NPF ), ošakehšijotušrahaštot (AIF ) šekä šijotušrahaštojen , ošuuššijotušrahaštojen (PIF ) ta valtijošta riippumattomien eläkehrahaštojen johtoyhtivöt ;
välittäjät , diilerit , forex-diilerit , arvopaperipiršat , kirjallapanijat , arvopaperien omaisuonhoitajat , šäilytyšyhteisöt .
Regul’attori puoluštau šilma , još rahotušlaitokšella on Venäjän Pankin toimilupa tahi rekisteröintä .Luvettelot yritykšistä , kumpasilla on voimašša olijat toimiluvat šekä valtijon rejestrit on julkaistu regul’attorin virallisella verkkošivulla .Još olet käršin toisien järještöjen toiminnašta , ota yhteyttä oikevukšienvalvojih laitokših .
Voit niise valittua Venäjän Pankilla :
ošakehyhtivöjen piällä , još ne rikotah šiun oikeukšie ošakkehenomistajana ;
rajotetun vaštuullisuon yhtyvehien piällä , još ne ei kučuta yleiskokoukšie , pietäh niitä lajin rikkoukšien kera tahi toisella keinoin ahissetah šiun etuja .
Kuin kirjuttua valituš ?
Kirjuta vapuašša muuvvošša ta mahollisimman yksityiskohtasešti .Mitä enemmän tietoja annat , šitä rutompah Venäjän Pankki voipi auttua šilma .Täššä on 7 šiäntyö toimivaltasen valitukšen kirjuttamiseh .
Enšimmäini .Muotoile oman valitukšen tarkotuš .Mimmosen tulokšen tahot šuaha ?
Toini .Yritä ilmaissa propleman yjin mahollisimman šelkiešti ta johonmukasešti pityän yllä tapahtumien hronologijua : merkiče kaikki merkittävät päivämiärät , tapahtumat ta järještön ruatajien nimet , kumpasien kera olit vuorovaikutukšešša .
Kolmaš .Anna rahotušlaitokšen täyvet tiijot .Koko nimi , veronmakšajan tunnušnumero (INN ), enšišijani valtijon rekisterinumero (OGRN ), virallini atressi , lisenssinumero – kaikki tämä on kirjutettu šiun šopimukšešša järještön kera .
Nelläš .Anna kaikki tiijot , mit voijah liittyö valitukšen šisältöh :
šopimukšen numero ta šolmimispäivä ;
vakuutušnumero ta ajokorttitiijot – autovakuutušaseita koškijašša valitukšešša ;
SNILS-numero – valitukšešša eläkehrahašton toiminnašta ;
ote yhtenäiseštä valtijon oikeušhenkilörejestristä – valitukšešša rajotetun vaštuullisuon yhtyvehien toiminnašta .
Viiješ .Valitukšeh voit liittyä šeuruavat tiijot :
kopijot kirjasienvaihošta valitukšen kohtehena olijan yhtyvehen tahi šen etuštajien kera , muun muašša šähköpoštikirjasienvaihto ;
kopijot kaikista dokumenttiloista ta materialiloista , mit vahvissetah valitukšen ta šen šisältämien tietojen pätevyön , muun muašša kopijot internetin verkkošivuštojen šivuista .
Kuuvveš .Jätä omat yhteyštiijot : šukunimi , etunimi , tuatonnimi , poštiatressi tahi šähköpoštiošoiteh , kunne tahot šuaha vaštaukšen , telefoninumero .
Šeiččemeš .Još šuunnittelet antua valitukšen paperilla šähkösen ieštä , še on vahvissettava šiun henkilökohtasella allakirjutukšella .
Kuin pitälti vaštaukšen šuamini keštäy ?
Anomukšen normaali käsittelyaika on 30 päivyä šen rekisteröintipäiväštä .Toičči , još jouvut kyšymäh dokumenttija rahotušlaitokšelta , aika voit pijentyö 60 päiväh .
Muutomih tyypillisih kyšymykših vaššatah ruttoh , muutomašša tunnissa tahi äšen minuutissa .Hyö šelitetäh šiula , kuin voit šuojata omie oikeukšie , annetah šiula tarvittavat yhteyštiijot ta još šiun lähetettyjä tietoja ei riitä , hyö kyšytäh lisätietoja .
Ainako šilma autetah ta vaššatah valitukšeh ?
Šuat vaštaukšen joka tapahukšešša .Još vahvissetah , jotta rahotušlaitoš tahi ošakehyhtivö rikko šiun oikeukšie , Venäjän Pankki luatiu kaiken , jotta auttua šilma .Yhtivöllä voijah antua miäräyš , šakko tahi miärätä toini kurituš .Šuat tiijotukšen šuoritetušta ruavošta ta ehotukšie šiitä , mitä luatie ielläh .
Šattuu niin , jotta järještö toimi tiukašti šiäntöjen mukah , ka šiula ei kerrottu kaikista rahotušpalvelun tahi tuottehen vivahukšista .Täššä tapahukšešša šiula šelitetäh kaikki yksityiskohtasešti ta šelkiešti ta annetah neuvoja .
Äšen još šie epyälet , jotta olet oikiešša , kuitenki kirjuta valitukšie !Näin autat niise toisie ihmisie .Valitukšet autetah Venäjän Pankkie tunnuštamah proplemakohtie rahotušyhtivöjen ta asiekkahien välisissä šuhtehissa ta parantamah rahotušmarkkinojen ohjuamista .
Luvento 4. Mitä ruatua, još šiun oikeuvet on rikottu?
карельский: собственно карельское наречие
Новописьменный севернокарельский