Тексты
Вернуться к списку | редактировать | удалить | Создать новый | История изменений | Статистика | ? Помощь
Marija Kirillova. Kuolomatoin rykmentti keräsi 55 tuhatta henkie
Marija Kirillova
Kuolomatoin rykmentti keräsi 55 tuhatta henkie
карельский: собственно карельское наречие
Новописьменный севернокарельский
Šuuren
Voiton 80-vuotisjuhlana Petroskoin eläjät ta vierahat kulettih kolonnašša kantuan Šuureh Isänmualliseh šotah ošallistunuijen omahisien kuvie .
Oraškuun 9. päivänä Petroskoissa piettih tašavallan eläjien mielehini Kuolomatoin rykmentti -kulku .Karjalašša koko rahvahan aktijo mäni offline-muuvvošša enši kerua kolmevuotisen väliajan piäštä .
Petroskoin eläjät ta vierahat kulettih Karl Marksin valtakatuo myöten Leninin aukivolta Kirovin aukivolla .
Šiämipuolisien aseijen ministerijön tietojen mukah aktijoh ošallistu 55 tuhatta henkie ."Kuolomattoman rykmentin " johošša kannettih Karjalan rintaman lippu . Heti šen takana kolonnan ieššä levitettih 80-metrini Yrjönnauha , Šuuren Voiton 80-vuotisjuhlan simvoli .
Karjalan tašavallan piämieš Artur Parfenčikov yheššä Jelena-puolison kera niise liityttih kulkuh .
– "Kuolomatoin rykmentti "on yksi tärkeimmistä tapahtumista Šuuren Voiton päivänä . Šota koški meijän muan joka perehtä , jokahisešša niistä on omie šankarija .Aktijo antau kunnivoittua heijän muistuo kyynälet šilmissä ta ylpiešti kantua omahisien kuvie .Heijän urošruatuo ei konšana unoheta , šano Artur Parfenčikov .
Kuolomatoin rykmentti -aktijo auttau šäilyttyä Šuuren Isänmuallisen šovan šankarien muistuo ta näyttäy šukupolvien lujua perimistä .On erikoisen simvolista , jotta kulkuh liitty erikoisen šotaoperatijon ošallistujie ta veteranija omine perehineh .Omista valkutelmista kerto Karjalan šankarit -ohjelman ehokaš Andrei Poloselov .Hiän tuli "Kuolomattomah rykmenttih " tyttäreh kera .
– Tulima miun ukon Grigorii Antipovič Poloselovin kuvan kera . Mie aina kunnivoitin hänen muistuo , hänen urošruatuo Šuurešša Isänmuallisešša šovašša – tänäpiänä ylpeilen !Ukko kučuttih rintamalla vuuvven 1941 elokuušša .Hiän taisteli šakšalaisien šotajoukkojen hyökkäykšen aikana ta häntä jykiešti huavotettih .Erikoisšotaoperatijon veteranina mie paremmin tajuon , mitä ukkoni kešti , šaneli Andrei Poloselov .
Kuolomatoin rykmentti -aktijuo pietäh Karjalašša eri muotoloissa .Ne , ket ei voitu liittyö kulkuh ičen , ošallissuttih tilaisukših online-muuvvošša , opaššušlaitokšissa , kiinitettih omahisien kuvie autojen ta ikkunojen lasiloih .
Kuolomatoin rykmentti keräsi 55 tuhatta henkie
карельский: собственно карельское наречие
Новописьменный севернокарельский