Тексты
Вернуться к списку | редактировать | удалить | Создать новый | История изменений | Статистика | ? Помощь
Alina Gapejeva. Priäžän kylän “Pr’ažen’ka” pajattau 20 vuottu
Alina Gapejeva
Priäžän kylän “Pr’ažen’ka” pajattau 20 vuottu
карельский: ливвиковское наречие
Новописьменный ливвиковский
Pr’ažen’ka-pajojoukko sai
allun , konzu priäžäläzet naizet piätettih kerätä joukko , kuduan piälikökse vuvvennu 2005 rodih L’ubov’ Pšennikova .Pajojoukon repertuaras on hengellizii da rahvahallizii pajoloi .
Merkipäiväkse ven’alaine pajojoukko valmisti suuren konsertan .Ven’alazien pajoloin suvaiččijat kerävyttih Priäžän kul’tuurutaloin pidoh , kuduan nimekse pandih "Ven’an pajuo pajatetah syväimel da hengel ".
Pajojoukon repertuaras on hengellizii da rahvahallizii pajoloi , kanzallizii sävelmii da nygözien säveldäjien tevoksii .Pajattajat pajatetah a’capella , bajanan da fonogramman myödäh .
Pajojoukko sai allun , konzu priäžäläzet naizet piätettih kerätä joukko , kuduan piälikökse vuvvennu 2005 rodih L’ubov’ Pšennikova .
– Kyläs elämmö , ga kai uudizet terväh tiijustetah . Pajojoukkoh ruttoh kerävyi lähes 20 eriigästy nastu viittykymmendy vuottu nuorembua .Meijän mugah , ga ihan nuorikkazet .Nikudual heis ei olluh muuzikkuopastustu , ga oli suuri himo pajattua , sanoi L’ubov’ F’odorovna .
Pajojoukole terväh löydyigi nimi ."Pr’ažen’ka " pädi ylen hyvin , ku pajattajinnu oldih priäžäläzet inehmizet . Pajojoukon roindupäiväkse rodih tuhukuun 3. päivy 2005 da ruadamah se rubei Priäžän piirin ku’tuurutaloin perustehel .
L’ubov’ Pšennikova ajeli Priäžäh repetitsieloile Pyhärvespäi , kus nygöigi eläy .Pajojoukko kerävyi kaksi kerdua nedälis .Jälles ruaduo naizet kiirehtettih paikallizeh kluubah , kus opastuttih uuzii pajoloi da "elavutettih " vahnanaigazii .Vuvvennu 2007 priäžäläzet pajattajat käydih kogo joukol Vengrieh festivualih "Luomisruado – nuorusaigu – taido ".Rajan taguapäi pajattajat tuodih enzimäzen sijan diploman nominatsies "Joukol pajatandu ".Vuvvennu 2010 "Pr’ažen’ka " sai rahvahalline pajojoukko -arvonimen .
L’ubov’ F’odorovna Pšennikova vuvvennu 2011 andoi pajojoukon piälikön ohjakset Larisa Aleksandrovna Fofanovale (Prokopenkovale ) da alallizele soittajale Dmitrii Muhorinale .Pajojoukon repertuaras endizelleh oldih rahvahallizet pajot da vaigu ven’an kielel .Äijät niilöis – "Nelli taloidu ", "Puudogan rahvahalline " da toizet roittih suvaittavat , konzu niidy kuunneltah konsertois rahvas , pajatetah myödäh da kučutah pajattajii lavale äijän kerdua .
– Se on minun elaijan kirjavin juno . Kai naizet oldih rohkiet , kirmiet .Piäh tuli äijy uuttu mieldy , enimät niilöis myö todevutimmo , mustelou Larisa Fofanova .
Kylän eläjät ainos hyväl mielel vastattih pajattajii , kuduat puaksuh tuldih pajattamah omil mašinoil da omih varoih .Nikudai piirin pruazniekku ei mennyh ilmai "Pr’ažen’kua ".
Vuvves 2023 pajojoukon piälikönny on Ol’eg Jevgenjevič Kaliničev .Uvven piälikön ruadotaival algavui kolmekymmen vuottu tagaperin da häi ruadoi äijien pajojoukkoloin kel .
Tänäpäi pajojoukkoh kuuluu viizitostu nastu , enimät heis oldih joukkuo alguh panemas .Naizet pajatetah hengellizii , kazakoin , ven’alazii liirizii , omanmuansuvaičuspajoloi .Se andau mahton yhtyö kaikenmoizih pruazniekkoih .
Pajojoukko ainos yhtyy piirin da tazavallan festivualiloih , kerran vuvves naizet kävväh pajattamah kunnetahto Ven’ale libo rajan tuakse ."Pr’ažen’kan " pajatettavat pajot ammui ollah kiini Priäžän piirin nimes da kaikis sie piettävis pidolois .
Priäžän kylän “Pr’ažen’ka” pajattau 20 vuottu
карельский: ливвиковское наречие
Новописьменный ливвиковский