Тексты
Вернуться к списку | редактировать | удалить | Создать новый | История изменений | Статистика | ? Помощь
Galina Ol’kina. “Hommien piäle pajuo pani, moine se on akku”
Galina Ol’kina
“Hommien piäle pajuo pani, moine se on akku”
карельский: ливвиковское наречие
Новописьменный ливвиковский
Terväh
rodieu jo puolitostu vuottu , ku ei ole meijän L’us’ua .Mustelen minä puaksuh händy , ku neižaigu meil oli yhtel aigua .Minähäi olen vai kahtu puolenke vuottu nuorembi L’us’ua , jo minul sygyzyl täydyy 89 vuottu .Tävvykkäh , ei maksa čotaija da mainitella , olgah , tämä pagin vai yhtel tiel .
Mustelen parembi ielleh L’us’ua .Yhteh aigah myö L’us’anke elimmö lähätysti , i minä puaksuh kävyin hänellyö jälles ruaduo joudaval aigua .Pagižemmo omii eloksii , mustelemmo endižii , kummien kohtil nagrammo da pajottah ei mene ni kudai ehty .
Muga oli i erähän ehtän , minä lähtin , kui toičigi kodih .L’us’a lähti veriädy jällel minuu salbuamah .Moine oli kajožu ehty , tiähtie täyzi taivas , paletah , ku lampočkat da vie kuudamaine pastau , ni fonariekkua ei pie , moine on valgei .
Kuni menin kodissah , matkan kaiken keksin L’us’ah näh runuo da vie kodih tulduu ukko sanou :
– Midä yksinäh höpätät , vai kesken paginat diädih ?
Minä vastain :
– Älä ole huoles , kačo omassas televiizorah , toven kesken jäi pagin .
Vot sitgi rodih L’us’ale runo .
Pertih tulduu vastuau ,
Emändy on hyvä ,
Joga toizel čuajuu valau ,
Da vie andau syvvä .
Pajuo tiedäy ylen äijän ,
Dai on iäni čoma .
Kai on pereh pajattajat ,
Dai on soittai oma .
Kluubah kävyy pajattamah –
Kaikkeh aigua löydäy .
Soittai soittau luglettau ,
A sizär rinnal pajattau .
Lapsien kazvattajes oli
Hommua täyzi takku .
Hommien piäle pajuo pani ,
Moine se on akku .
Toiči oligi kyynäl silmäs ,
Kyynälen pajo kuivai .
Itkul elostu et paranda ,
Vai et voinne ruadua .
“Hommien piäle pajuo pani, moine se on akku”
карельский: ливвиковское наречие
Новописьменный ливвиковский
–
–