Тексты
Вернуться к списку | редактировать | удалить | Создать новый | История изменений | Статистика | ? Помощь
Сидоркин Валерий. Šotavalokuvuajien muissokši
Сидоркин Валерий
Šotavalokuvuajien muissokši
карельский: собственно карельское наречие
Новописьменный севернокарельский
Šuuren
Voiton 80-vuotisjuhlakši Karjalan tašavallan kanšallini musejo valmisti Karjalan rintama kameran šilmin -näyttelyn .
Kohta šovan alun jälkeh peruššettu Karjalan rintama oli Neuvoštoliiton toisista rintamista pisin : še leveni Arktiselta alovehelta Luatokan Karjalah šuaten .Šotajournalistiloilla ta valokuvuajilla oli tehtävä mahollisimman luajašti valottua armeijan ta tašavallan lehissä rintaman eri ošien toimintua .
Kanšallisen musejon uuši näyttely kertou šotavalokuvuajien , Karjalan ta Murmanskin alovehen rintamatapahtumien aikakirjan kirjuttajien vaikiešta ta ušein vuarallisešta ammatista .
Niijen vuosien huomattavien valokuvuajien luvušša on Sem’on Roskin , Gavriil Ankudinov , Sergei Lenskii , P’otr Bezzubenko , Georgii Konovalov , Nikolai Potapov , Konstantin Moisejev , Dmitrii Kozlov , Robert Disment ta Nikolai Verinčuk .
Šamoin šotajournalistina ta valokuvuajana Karjalan rintamalla oli tulija tunnettu kirjailija , vienankarjalaini Juakko Rugojev .Šovan alušša hiän tuli hävittäjäpataljonan vapuaehtosekši , a šiitä taisteli Taistelulippu - ta Ruškie partisani -partisanijoukoissa .Hiän oli kahičči huavotettu ta šai muutoman taistelupalkinnon .
Vuotena 1943 Juakko Rugojev oli tašavallan Totuus-lehen šotajournalistina .Lehteh julkaistih hänen reportašivalokuvašarjoja rintaman etulinjalta ta rintaman šelkämältä .Kohta šovan jälkeh Juakko Rugojev ošallistu Helsinkissä männyöh oikeušjuttuh šuomelaisie šotalajinrikkojie vaštah .
Karjalan rintama kameran šilmin -näyttelyššä esitetyissä valokuvissa on kuvattu Karjalan rintaman šotilahie , merimiehie , partisanija , liäkärijä ta rintaman šelkämän ruatajie .Šamoin on tunnetun šotajournalistin Galina San’kon heti Petroskoin vapauttamisen jälkeh luatimie valokuvie .Niijen luvušša on ne valokuvat , kumpasissa on kuvattu alaikäsie vankija kaupunkin erähäštä šuomelaisešta vankileiristä .
Kanšallisen musejon partn’oriloina näyttelyn valmistamisešša oltih Karjalan tašavallan kanšallini arhiiva , Piiterin Merišotamusejo ta Šotaliäketietomusejo , Valtijollini istorijan musejo , Murmanskin alovehen kotišeutumusejo ta Udmurtijan tašavallan kanšallini musejo .
Karjalan rintama kameran šilmin -näyttelyh voipi tutuštuo šyyškuun 30. päiväh šuaten .Še on hyövyllini šekä istorikkoloilla ta valokuvuajilla , jotta luajalla yleisöllä , koululaisilla ta ylioppilahilla .
Šotavalokuvuajien muissokši
карельский: собственно карельское наречие
Новописьменный севернокарельский