Тексты
Вернуться к списку | редактировать | удалить | Создать новый | История изменений | Статистика | ? Помощь
Сидоркин Валерий. Tiellä Voittoh
Сидоркин Валерий
Tiellä Voittoh
карельский: собственно карельское наречие
Новописьменный севернокарельский
Karjalan
tašavallan taitomusejon Tiellä Voittoh -näyttely on omissettu Šuuren Voiton 80-vuotispäivällä .
Näyttelyššä on esitetty piäasiešša šota-ajan plakattija moskovalaisilta , leningradilaisilta ta petroskoilaisilta taiteilijilta luovista Okna TASS -, Bojevoi Karandaš - ta Okna KarFinTag -järještölöistä .Viime nimityš tarkottau Karjalais-Šuomelaista telegraffitoimistuo .
– Šota-aikana propagandua ta agitatijuo šanottih kolmannekši rintamakši . Juuri šiinä kehitty taistelu rahvahan henkeštä , mi šuurešti miäräsi šovan lopun ta toi Voittoh .Plakatista tuli aše .Še šai rahvašta šopuh , anto toivuo ta uškuo , šano näyttelyn kurattori , musejon ruataja Julija Aprodu .
Monet šankarillis-patriottiset ta satiiriset plakatit tultih oman kauven simvoliloiksi ta oikeiksi taitotevokšiksi .Ne kuvaššettih Šuuren Isänmuallisen šovan tärkeimpien tapahtumien hronikkua fašismie vaštah taistelijien neuvoštoliittolaisien ihmisien mielialan ta henkenhapatukšien kannalta .
Šamoin näyttelyššä on tunnettujen Kukriniksien šovan kolmantena päivänä luatima plakatti "Armottomašti tuhuomma ta hävitämmä vihollisen ".Plakattih kuvattu ruškien armeijan šotilaš revälti Gitleriltä nuamijon – Neuvoštoliiton ta Šakšan välisen hyökkyämättömykšen šopimukšen , ta pistäy hänen piän pistimellä .On kummallista , jotta šovan ihan alušša taiteilijat jo ilmotettih Voiton välttämättömäštä tulošta .
Petroskoilaisien taiteilijien luovašta kollektiivista ušeimmat plakatit kuulutah Konstantin Butorovilla .Lisäkši esillä on hänen kollegan Zinovii L’vovičin kynällä ta hiilellä luatimie piiruššukšie , kumpasih on kuvattu Karjalan rintaman upšeerija ta šotilahie .
Näyttelyššä voipi niise nähä nykyaikasen taiteilijan Reino Jussikaisen triptihi šovan ta rauhan aihiešta .
Taitomusejon varaštoloih kuulujien plakattien , irvikuvien , piiruššukšien ta lentolehtisien esillä on Lenigradin musejovirašton , Karjalan kanšallisen musejon ta kanšallisen arhiivan antamie näyttelyesinehie .
Tiellä Voittoh -näyttelyn rajoissa vietetäh ekskursijoja ta muasteri-oppija lapšilla ta aikuhisilla .Näyttely ottau vaštah kävijie oraškuun 25. päiväh šuaten .
Tiellä Voittoh
карельский: собственно карельское наречие
Новописьменный севернокарельский