Тексты
Вернуться к списку | редактировать | удалить | Создать новый | История изменений | Статистика | ? Помощь
Uljana Tikkanen. Istorija pitäy ajoissa šiepata
Uljana Tikkanen
Istorija pitäy ajoissa šiepata
карельский: собственно карельское наречие
Новописьменный севернокарельский
Etehpäin
männyöh aikah -nimisen projektin rajoissa oli pietty loppukonferenšši .
Karjalan kanšallisešša kirjaštošša piettyh tilaisuoh keräyty ošallistujie Karjalan eri piirilöistä , jotta esittyä omie projektija .
– Projektien tarkotukšena on kannattua ihmisie , kumpaset tutkitah kotimuan istorijua ta käytetäh šen esittämiseššä nykyaikasie interaktiivisie muotoja , šelitti projektin johtaja Natalja Lavrušina .
Puolen vuuvven aikana projektijoukot Koštamukšešta ta Petroskoista šekä Aunukšen , Kontupohjan , Sortavalan ta Karhumäjen piirilöistä valmissettih omie tutkimušprojektija .Niijen teemat ollah aivan erimoiset : vanhojen lehtien tutkimuš , podkastien nauhotuš , kirjojen valmissuš šekä äšen koulumusejon avuamini .
Tutkimukšien aikana kaikki ošallistujat šuatih eksperttien apuo : oli pietty neuvotteluja šekä seminarija , kuin , esimerkiksi , käyttyä arhiivatietoja tahi kuin käyttyä pereharhiivoja , mitä kallista niissä vois olla .
Eryähista piirilöistä loppuseminarih oli otettu kakši projektie .Koštamukšelaiset koululaiset kerättih tietoja pionerien ta skauttien liikkehen alušta šekä istorijoja Koštamukšen peruštamisešta Nikolai Nikiforovič Bigunilta .
– Nikolai Nikiforovičilla on erinomani muisti , myö koululaisien Širšov Aleksein ta Behtol’d Andrein kera kävimä pakauttelomah häntä . Keräyty äijä materialie , šykyšyllä Koštamukšen malmiesiintymän löytäjällä on 75-šyntymäpäivä , vuotisjuhlakši tahomma valmistua kirja , šano tutkimušruavon johtaja Irina Dobrodejeva .
Kontupohjan Boris Kravčenkolla nimitetyn kirjašton ruatajat niise alettih ruato , kumpani jatkuu ni projektiajan lopettamisen jälkeh .Lukutupa kirjaštošša-projekti on omissettu Kontupohjan piiristä šyntynyillä tahi piirissä elänyillä kirjailijilla ta heijän tevokšilla : Dmitrii Balašov , Boris Kravčenko , Viktor Ser’ogin .Nyt kirjašton ruatajat valmissetah Dmitrii Balašovilla omissettuo nurkkua , šiih kerätäh kirjailijan vehkehie ta kertomukšie hänen 11 vuotta keštänyöštä elämänjakšošta piirissä .
Projektin ekspertit koroššettih , jotta kaikki alottehet ollah oikein korkiella tašolla luajittu šekä annettih kallehie n’euvoja , mitein niitä vielä voipi kehittyä ta parentua .Parahat ruavot painetah projektin loppujulkaisušša .
Šamoin projektin lopettamiseh šuaten valmissetah artikkelien kokomuš , kumpani on omissettu XX vuosišuan toisen puolen ihmisillä , laitokšilla ta tapahtumilla šekä Koulumusejo ta musejopedagogikka XXI vuosišualla -seminarin materialija .
Etehpäin männyöh aikah -nimistä projektie toteutetah Karjalan piämiehen granttifondin kannatukšella .
Istorija pitäy ajoissa šiepata
карельский: собственно карельское наречие
Новописьменный севернокарельский