Тексты
Вернуться к списку | редактировать | удалить | Создать новый | История изменений | Статистика | ? Помощь
Uuši muistomerkki Kalevalašša
Uuši muistomerkki Kalevalašša
карельский: собственно карельское наречие
Новописьменный севернокарельский
Kalevalan
matkailufirma ašetti muistomerkki Isänmuan puoluštajien muissokši .
Šuuren Voiton 80-vuotispäivän kynnykšellä 14 kilometrissä Kalevalašta , meččäjärven rannalla uuvven muistomerkin luona oli pietty muistotilaisuš .
Juuri tällä paikalla , kummaista paikalliset eläjät šanotah Malvijaisen kylän vanhakši tiekši , 1941–1944 vuosina oli rintaman linja .Tällä puoluššukšen etulinjalla šankarillisešti taisseltih 54. kivyäridivisijonan šotilahat , kumpaset puoluššettih Karjalan rintaman Uhtuon šuuntua Šuuren Isänmuallisen šovan aikana .Näillä paikoilla puoluššuš oli niin luja , jotta rintaman linja ei liikahtan metrilläkänä .
Muistomerkki on luajittu ruškien tähen muuvvošša taitobetonista , šen piällä on šotilahan nävön kohokuva .Muistoaktijoh ošallissuttih matkailufirman ruatajat perehineh ta lapšineh .
Muistotilaisuon avajaisissa järješšön johtajat Maksim Koval’ov ta Edgar Ozolin kiitettih ruatojoukkuo aktijon kannatukšešta – obeliski oli valmissettu firman ruatajien omilla rahoilla .Ne oli kerätty yheššä päiväššä , a netälin aikana še oli valmissettu Kontupohjan muasterin pajašša .
Aktijošša šoi Venäjän Federatijon gimni , a kuatunuijen muistuo kunnivoitettih hil’l’aisuon hetkellä .
On tärkie , jotta muistomerkki on Karjalaini šatani -ekologisella polulla .Monta vuotta šitä tietä myöten Kalevalan vierahat matkuššetah lumikelkoilla , nelipyörillä , šukšilla .Paikalliset eläjät käyväh tiälä marjah ta šieneh šekä mečäššetäh .
Uuši muistomerkki Kalevalašša
карельский: собственно карельское наречие
Новописьменный севернокарельский