Тексты
Вернуться к списку | редактировать | удалить | Создать новый | Статистика | ? Помощь
Valentina Libertsova. Elävien dai kuolluzien, dai tulieloin eläjien nimes
Valentina Libertsova
Elävien dai kuolluzien, dai tulieloin eläjien nimes
карельский: ливвиковское наречие
Новописьменный ливвиковский
"Minule
jo elaijan allus lykysti… " nenga ajatteli Julija Drunina dai ei vai häi , nenga duumaittihgi Stepanovien molodoit – Mihail Stepanovič da Aleksandra Jefimovna .
Enne hierulois kaikin hyvin tiettih toine tostu , da gu lienne miellyttih toine toizeh , ga kaikekse ijäkse .Vierastu ei oteta , omua ei anneta .Yhtes kazvetah , yhtes školah kävväh , dai… kačos… suvaičen sinuu , eliä en voi sinuta !Mugai Mihail da Aleksandra elettih Anuksen piirin Suuret Mäit -hierus , käydih yhteh školah , a sit tansiloil vastavuttih dai enämbiä ei voidu erota .Vastavukset , suatandat , sebäilendät , ukkailendat , rakkahuon tunnustamizet… teil tavar – meil kupču , svuad’bua gul’aittih kogo hierul .Ollus vai eliä da ihastellakseh !
Ga koin veriäh kolahtihes 1941 vuozi .Mihail Stepanovičua kerras otettih Leningruadan frontale .Aleksandra Jefimovna lähti Voulogdan alovehele gospitalih hoidamah ruanittuloi .Kui sanotah , voinu on voinu .Mihail Stepanovič puutui havvas miinah , siiriči mašinal ajajat saldatat nähtih händy ruanittuu virujannu da nostettih .Viettih ešelonas gospitalih , sie Aleksandra Jefimovna löydi hänen luvettelus da pakičči komandieroi vediä ukko omah gospitalih .Piävyttih katkatunnu mollembat jallat da snar’uadan pala keuhkolois .Mugai elettih gospitalis : Aleksandra parandi ukkuo , a Mihail kerdoi mučoile omii bojuloi .Vaigu voinan lopul mies nouzi jalloilleh .
Jälles voinua Stepanovat tuldih järilleh omah Anuksen piirih , enzimäi Videleh , sit Alavozeh , kunne azetuttih perinpohjin : elettih "opastajien kois ", a sit muutettih omah , lapset kazvettih , käydih školah , lähtiettih ruadoh .Kodi oli pikkaraine , ga sijua löydyi vunukoilegi .
Alavozen puunhuavustuszavodan ruadajat ainos oldih Aleksandra Jefimovna liečetiijollizen tarkastuksen ual : alallizet liäkärin tarkastukset , heittämättömät suojelupivot , abuhoidajien joukko – kui ainos – enzimäzel agjal .Alavozen školan opastujat innostuksenke opastuttih Mihail Stepanovičan ruadourokoil : pilattih , struugattih , nostettih aidoi , kohendettih opastusstolii , luajittih labjoi , haravoi , elostuksii päivykodih .Pal’l’azet , pilat , struugat opastujien käzis kiehuttih nerokkahan opastajan avul .
A kois ?Kois – talovus : lehmy , vaza , heinargi , ogrodat …A rakkahus ?Kuibo ilmai sidä ?Rakkahuta etgo pajuo keksi , etgo kniigua kirjuta , etgo elaigua elä .Kai yhtes – hädis dai ihastuksis , käzikkäi , rinnai , ihan , gu Julija Druninal : "Ozan minuutangi puolekkai juammo ..."
Myö mustammo teidy , Mihail Stepanovič da Aleksandra Jefimovna !Dai vältämättäh oldih frontusadagrammua niilöin kunnivokse , kedä jo ei ole meijänke !
Elävien dai kuolluzien, dai tulieloin eläjien nimes
карельский: ливвиковское наречие
Новописьменный ливвиковский