Ошибка:
Недостаточно прав на выполнение этой операции
Тексты
Вернуться к списку | редактировать | удалить | Создать новый | История изменений | Статистика | ? Помощь
Sergejeva Tatjana . Korged kacujan arv – parahim pauklahj
Sergejeva Tatjana
Korged kacujan arv – parahim pauklahj
вепсский
Младописьменный вепсский
Sulakun
28. päiväspäi semendkun 2. päivähasai meiden man pälidnas VDNH-ozuteluzkompleksas mäni XX Rahvahidenkeskeine ozuteluz-jarmark "Pohjoižen kal’huded .Venäman mastarid da taidehpirdajad – 2025".Sihe ühtni vepsläine delegacii Piterin agjaspäi – Vepsän fol’klorkeskusen radnikad , Piterin agjan Vepsän kul’turan organizacijan ühtnikad .
Necil vodel Vepsän fol’klorkeskusen mastarid-naižed ozutiba ičeze poimdud käzipaikoid vepsläižen ornamentanke .Ned oli tehtud "Mitte linduine , mugoine i pajoine " -projektan aigan .Kaikuččel käzipaikal om ičeze istorii , kaik ned om tehtud originalan pohjal .Mastarid-naižed ičeze sil’mil nägiba äjid käzipaikoid , pidiba niid käziš , tarkašti kacuiba – i heile ozastui tehta ani niiden kopijad .
Vägestusen 80-voččeks jubilejaks paviljonas oli ezitadud kalud , miččed om omištadud Vägestusele Surel voinal .Sur’ homaituz anttihe "Krasnaja zvezda " -lehtesele voden 1945 sulakun 10. päiväspäi .Vidlan eläi Natalja Nikolajevna Kovrova andoi sen Vepsän fol’klorkeskusehe .Komissijan ühtnikoiden da adivoiden südäimid koskiba meiden külän saldatoiden kädel kirjutadud starinad-ki .
Tradicijan mödhe naižed kudoiba , vaumištiba erazvuiččid mastar’-klassoid .Necil vodel mö ozutim adivoile , kut voib tehta kanghan šlikuspäi čoman paikan poimetišidenke .Nece om endevanh maht mujutada kangast i tehta sil erazvuiččid ornamentoid peniden pulaudaižiden abul .Meiden kangazpu vöiden kudondan täht necil vodel oleskeli Kemerovan agjan adivoiš-ki .Sigälaine mastar’-naine toi ičeze kangazpun , se lujas kožui meiden kangazpuhu , vaiše om suremb .Oli melentartušt pagišta mastarinke , rindatada kudondan mahtoid , nägištada , kut meil , erazvuiččil rahvahil , om äi ühtejittušt .Openzim adivoid kudomaha luneglal-ki .Nece om kanzan relikvii .Se jäi dedalpäi .
Ozutelusel mäni "Parahim regionan ekspozicii " -konkurs .Žürijouk korktas arvosti meiden radod .Se erini toižiden konkursan ühtnikoiden ekspozicijoišpäi .Meile sanutihe äi lämid sanoid vepsän rahvahan kul’turan kaičendan polhe .Mö tegimoiš vägestajikš "Erine lahj " -nominacijas , i nece om korged pauklahj .
"Parahim rahvahaližen taidehen rad " -konkursas "Rahvahaline sädo "- i "Kudond , hob , poimetiž " -nominacijoiš meiden mastarid Tatjana Sergejeva i L’ubov’ Medvedeva saiba laureatoiden diplomad .
Nece oli jubileiozuteluz .XX-voččeks jubileijaks Tatjana i L’ubov’ , kut jogavoččed ühtnikad , saiba jubileipauklahjan znamad .A Svetlana Burd’ukova i Nadežda Stol’arova – meiden sebranikad , "Kädekaz "-sebran ühtnikad , čomad mastarid , kudambad kaiken oma meidenke , kaiken oma vaumhed abutada , – saiba muštlahjoid : ozuteluz-jarmarkan katalogad i diplomad ühtnendas .
Lujas äi adivoid tuli ozutelusele .Äjile tuli mel’he meiden ekspozicii .Oli mel’he kundelta : "A mö muštam teid !Mö olim teil muloi ".Vai mugoižid sanoid : "Mö tedam , ked oma vepsläižed , kus hö eläba .Mö oleskelim teiden agjas ".
Üks’ meiden ozutelusen kacujišpäi oli Grigorii Petrovič Ledkov – Venäman Federacijan senator , enzne Pohjoižen , Sibirin i Edahaižen Päivnouzman igähižiden vähälugužiden rahvahiden associacijan prezident .
Enamba kaiked meid čudutoiti üks’ adiv – moskvalaine naine .Natalja Ivanovna Višar om Valdkundaližen istorijan muzejan radnik .Hän oleskeli mijal äjak-se kerdad .Mö äjan pagižim , hän ihastui meiden mastariden radoihe , poimdud käzipaikoihe .Jäl’gmäižel ozutelusen radon päiväl hän tuli mijale lahjanke – nece oli "Venäman rahvahiden prazniksädod " -kirj .Se om omištadud muzejan Venäman rahvahiden prazniksädoiden kollekcijale .Täs om kirjutadud , miččid sädoid da pähižid oli , kut niid tehtihe , om anttud sanoiden sündund .Mugoine lahj om lujas arvokaz meiden keskusen da mastariden täht .A ningoine tehtud radon arv om korktemb kaikid pauklahjoid !
Korged kacujan arv – parahim pauklahj
вепсский
Младописьменный вепсский