Тексты
Вернуться к списку | редактировать | удалить | Создать новый | История изменений | Статистика | ? Помощь
Sem’onov P’otr . Riähkil
Sem’onov P’otr
Riähkil
карельский: ливвиковское наречие
Новописьменный ливвиковский
Äijänpäivän
nedälil F'oklu-baboi pidi äijän eluo .Häi osti tuohuksen kahtes grivnas da pani sen obrazan edeh .
F'oklu kodvan azetteli tuohustu lähembäkse obrazua .A konzu azetti sen , sit tageni vähäzel da ihastuksis kaččeli omien käzien ruaduo .Häi rubei molimahes , pakiččemah ičelleh kaikenmoizii hyvityksii da armuo menetetyn kaksigrivnahizen sijah .
F'oklu molihes hätken burbettajen ičekseh kaikenmoizii pienii kyzyndii , lopukse kol'l'ai očan ligahizeh kivilattieh , sit ohkajen da prähkäjen lähti riähkis piäzemäh .Riähkii tunnusteltih altarin luo väliseinän tagan .
F'oklu-baboi seizatui vuoroh yhten vahnan baboin peräh da rubei myös ristimäh puaksuzeh silmii da burbettamah .Väliseinän tagan ei pietty hätkie .
Riähkil kävijät mendih sinne da jo minuutan peräs hengästellen da hil'l'akkaizeh ryvähtellen tuldih siepäi kumardellen obrazoihpäi .
-Papil on kiireh , duumaičči F'oklu .- Kunnebo kiirehtännöy ? Emmohäi pala !Pahoi piästäy riähkis .
F'oklu meni väliseinän tuakse , kumardi madalah papile jalgah da n'oppai hänen käin selgäindy .
-Kuibo sinuu kučutah ?pappi kyzyi blahoslovijes .
-F'oklakse kučutah , vastai baboi .
-No sanele , F'oklu , sanoi pappi , - mittumat riähkät sinul ollah ?Misbo olet riähkävynnyh ?Etgo pagize tyhjii vihapaginoi ?Vai toinah harvah mustelet jumalua ?
-Tuattoni , olen riähkähine , tiettäväine , kumarduksenke vastai F'oklu .-Jumal prostiu , pappi sanoi da katoi Fjoklan riizul .Uskotgo sit jumalua ?Etgo toinah ebäillei ?
-Jumalua se uskon , sanoi F'oklu .Vai poigu toiči kävyy da moittiu jumalua , pahal sanal mustelou .Ga minä se uskon .
-Se on hyvä , buaboihut , sanoi pappi .- Älä anna iččie muanittua tyhjäs . A midäbo , sano , poigas pagizou ?Kuibo häi moittiu ?
-Moittiu , saneli F'oklu .Häi sanou , tyhjy dielo on heijän usko .Sanou , ei ole , ei ole olemas jumalua , hos kai taivas da pilvet šelo ...
— Jumal on , jyrkäh sanoi pappi . — Älä usko händy ... Mustoita , midäbo vie sanoi poigas .
Ga kaikenmostu saneli , vastai F'oklu .
-Kaikenmostu !pappi rängähti .— Ga kusbopäi sit on tulluh kai tämä luondo ? Kuspäi ollah planietat , tiähtet da kuudam gu eulle jumalua ?Eigo poigas nimidä sanelluh , kuspäi tuli meijän muailmu ?Toinah se kai on hiimii ?Mustoita , eigo häi sih luaduh sanonuh .Buito kai se on hiimii , sanoigo ?..
-Ei sanonuh , vastai F'oklu silmii lipettäjen .
-Ga ihan hyvin voi olla hiimii , pappi sanoi ajatellen .Toinah , baboi , mugai on jumalua ei ole , a kai on hiimii ...
F'oklu-buaboi pöllästyksis kačahtih pappih .Pappi pani hänen piän piäle rii - zun da rubei burbettamah malittuu .
Ga sit mene , mene , sanoi pappi igävästi .— Piästä toizii uskovaizii . F'oklu vie kerran kačahtih hämmästyksis pappihpäi da lähti iäres .Häi hengästelih da ryvähteli hil'l'azeh .Sit meni oman pyhäinkuvan edeh , kačoi tuohustu , kohendaldi palannuttu fitiliä da lähti kiriköspäi .
Riähkil
карельский: ливвиковское наречие
Новописьменный ливвиковский