Тексты
Вернуться к списку | редактировать | удалить | Создать новый | История изменений | Статистика | ? Помощь
Natalja Sinitskaja. Oma Mua: 35 vuottu omien keskes
Natalja Sinitskaja
Oma Mua: 35 vuottu omien keskes
карельский: ливвиковское наречие
Новописьменный ливвиковский
Mugai ruammo
edehpäi
K olmekymmen viizi vuottu ristikanzan elaigah nähte ei ole äijiä , sih aigah ristikanzu vaste ruavastuu da azettuu elämäh .Lehten vuozii lugietah toizeh luaduh ."Oman Muan " 35-vuodehistu taivaldu arvostajes da lehten igii lugijes maksau mustoittua kaikkii , ket eri aigah ruattih lehtes . Heidy on aiga suuri joukko .Enzimäine piätoimittai Viktor Makarov , hänes vuoron suannuh Vladimir Kettunen , lehten enzimäzet toimittajat L’ubov’ Baltazar , Vera Hämäläinen , Valentina Kiuru .Vähästy myöhembä lehteh tulluot liygiläzet Ol’ga Ogneva , Marina Mihailova , Larisa Nikitina , vienalazet Nina Mihailova , Ol’ga Melentjeva , Arina Sem’onova , Natalja Vorobei .Lehti ei voi olla ilmai kirjuttajii da lugijoi , heijän joukko ainos oli suuri .Meijän lehtes allettih oman kirjuttajan taibalehen Vladimir Brendojev da Aleksanr Volkov , Zinaida Dubinina da Valentina Kondratjeva , P’otr Sem’onov , Ivan Savin da Sergei Jakovlev .Tiedoalan ruadajat ainos oldih lehten tuvennu – Aleksandra Stepanova , Valentina Mironova , L’udmila Ivanova , Marija Kundozerova , Aleksandra Rodionova da toizet .
Tämän vuvven merkipäivän lehti vastuau mustuvalgiennu da kaheksasivuhizennu , ga vuvven toizel puoliškol lehti tuaste rodieu värikäs , hos pahakse mielekse ei "sangene ".Muutoksih huolimata opimmo synnyttiä kai omat kirjutetut da kirjuttajis suavut tekstat lehten sydämeh .Opimmo ruadua muga , ku kai karjalazii koskijat da huolestuttajat aihiet oldas nägövis .
Nygöi ainos vai puaksumbah paistah kielien kehittämizes internetas .Paginal ollah RuWiki , kielikorpusat da online-kiändäjät .Sih virdah puutuigi karjalan kieli .Internetas kieldy kehittäjes pidäy olla tallel äijy kieliainehistuo .Karjalan kielen kohtah enimät ainehistot ollah Oma Mua -lehtes otetut , kai , midä on suittunuh 35 vuvves .Sendäh lehten tuliedu ozua leppijes se pidäs hyvin ellendiä , eiga sudre mennäh kai nygyaigazet hökötykset da herrumiehil ei rodei midä löyhkiä korgiel lavalpäi .Ližäilemätä voibi sanuo , ku karjalankielizen lehten olemas olemine on kielen säilyttämizen da kehittämizen ruavos piälimäine dielo .
Vuvvennu 1990, konzu piäzi ilmoih Oma Mua -lehten enzimäine noumeru , tazavaldu da kogo Ven’an mua elettih vaigieloi aigoi .Ga karjalankielizen lehten painosmiäry oli 5 000 palua .Nygöi keskimiärin lehten painsmiäry on 400 palua .Kolmeskymmenesviijes vuvves äijy midä on muuttunuh meijän elaijas , hirviesti pieneni karjalazien lugu , kučistui karjalakse kirjuttajien miäry .Ga lehti pyzyy jalloilleh da 35 vuottu tagaperin rattahile pandu ruado jatkuu kaikkeh huolimata .
Oma mua da Oma Mua -lehti ollah net , mis meil , karjalazil , pidäy pyzyö kynzin-hambahin .Mugai ruammo edehpäi !
Oma Mua: 35 vuottu omien keskes
карельский: ливвиковское наречие
Новописьменный ливвиковский