Тексты
Вернуться к просмотру | Вернуться к списку
Antilaš kyšyy prituaneita
История изменений
18 июня 2025 в 12:08 Нина Шибанова
- создал(а) текст
- создал(а) текст: Etkö voi, tuuvittajaseni, tunnon ašetella turtivolla vartuollani tunnon tovol'n'oisie turkkivuattevuisie tuuvittamien puolilla tuuvehie ilmasie? Et tiijä ne tuuvittamat tunnon ašetellah tuulipuolilla turtivuo varruttani. Etkö voi, veršojaiseni, vison ašetella vieronalla vartuollani vison tovol'n'oisie villavuattevuisie viihyttämien puolilla viekkahie ilmasie? Et tiijä šielä viihyttämien puolilla viekkahie ilmasie viuhahutellah vilujen šäijen varasih. Aikojaiseni, ašettele aijan tovol'n'oiset tai antele alušvuattevut aikomien puolilla armahie ilmasie. Anna ei ankeh vartuvuoni aijan ensimmäisistä alotteluista šuate alottais aikomien alušvuattevuisista... Etkö voi, kantajaiseni, kajon ašetella kannettuijen puolilla kallehie ilmasie kaihonalla vartuolla kajon tovol'n'oisie karjalehmäsie? Vet kun rupien kaihona vartuvuoni šuutani kaštelomah kannettuijen karjalehmäsistä, nin vet vielä kajon ašetellah kannetut kaiholoilla šanasilla. Etkö voi, mainojaiseni, manun ašetella manun tovol'n'oisie mairikkilehmäsie mainomien puolilla mairehie ilmasie? Vet kun, malkivo vartuoni, rupien mainomien mal'l'ojen pohjista maistelomah maitolusikkaisie, nin vielä vet mainomat manun ašetellah manun tovol'n'oisilla mattišanasilla malkivuo varruttani.
- создал(а) перевод текста