Тексты
Вернуться к списку | редактировать | удалить | Создать новый | История изменений | Статистика | ? Помощь
Vepsäläzet: kandurahvahile uuttu tugie
Vepsäläzet: kandurahvahile uuttu tugie
карельский: ливвиковское наречие
Новописьменный ливвиковский
Ven’an
haldivo hyväksyi Pohjazen , Siberin da Loittozen päivänlaskupuolen vähembistökandurahvahien pyzyvän kehityksen konseptsien vuodessah 2036.
Ven’an haldivo käski Kanzallizuksien azieloi valvojale federualuagentsvale da valdivoelimile kuvven kuun aloh valmistua pidoloin pluanu konseptsien mugah .
Tulien vuvven 1. pakkaskuudu Ven’al algavuu aktualiziiruitun Pohjazen , Siberin da Loittozen päivänlaskupuolen vähembistökandurahvahien pyzyvän kehityksen konseptsien vuodessah 2036 todevuttamine .
Konseptsien piälimäzii tavoittehii ollah kandurahvahien ekonoumielline , sotsiualline da kul’tuurine kehittämine , perindöllizien eländypaikoin säilyttämine , perindöllizen eländytavan , talovuon , kul’tuuran kannattamine .
— Olen sidä mieldy , ku konseptsien mugah luajittavan pluanan valmistamizeh pidäy yhtyö kaikil kandurahvahien alovehellizil ozastoloi . Ku kai pluanah pandavat pivot oldas kandurahvahien edustajien nevvostoloin hyväksytyt kui subjektan , mugai kylän tazol .Sen vuoh paikallizilgi herroil rodieu tärgei , ku net pivot oldas todevutettu .
Nygöi , konzu federuallizel tazolpäi vepsäläzien sotsio-ekonoumizeh tugeh subsiidieloin kauti on nelläh kerdah vähembä varua da ei ole mahtuo kui enne todevuttua suurii projektoi , paikallizii pidoloi , uvvistetun konseptsien mugah luajitun pluanan pivot autetah meile kestiä vaigiet aijat , sanoi Oma Mediale Larisa Čirkova , Vepsänkul’tursebr-liiton piälikkö .
Kandurahvahien perindöllizien eländykohtien säilyttämizeh kuuluu ekolougizen tilan silmäl pidämine da paikallizien eläjien mielen huomivoh ottamine infrastruktuuran projektoi todevuttajes .
Perindöllisty talovuttu da neroloi huavatah kannattua sen vuoh , ku kandurahvahile edusijahizesti annetah meččuičendu - da kalastustiloi .Mugažah ymbäristöh kuulutah välly piäzy internettah da hyvä yhtevys , meedikkuavun suandu , nygyaigazien školien , opastuskirjoin , uvven opastuslaittehiston olemas olendu , sego kandurahvahien kielien kannattamine .
Konseptsien mugah pidäy auttua teatroi da kanzallizii pajo - da tansijoukkoloi , kuduat käytetäh kandurahvahien kielii , sego kannattua tiedotutkimuksii , kuduat koskietah kandurahvahii .
Vepsäläzet: kandurahvahile uuttu tugie
карельский: ливвиковское наречие
Новописьменный ливвиковский