Тексты
Вернуться к списку | редактировать | удалить | Создать новый | История изменений | Статистика | ? Помощь
”Karjal pajattau”: pajopruazniekku lähestyy
”Karjal pajattau”: pajopruazniekku lähestyy
карельский: ливвиковское наречие
Новописьменный ливвиковский
Kezäkuun
27.–28. päivänny Petroskois uvvessah pietäh Karjal pajattau -pruazniekku .
Perindön mugah karjalaine Oma Pajo -hora sežo yhtyy kanzoinvälizeh Karjal pajattau -pajopruazniekkah .
Tänä vuon projektu "Kanzoinväline pajopruazniekku "Karjal pajattau " voitti Ven’an kul’tuurufondan grantoin kilvas da sai den’gutugie .
Pajopruazniekkah tulou 74 pajojoukkuo , enämbi 1500 pajattajua Ven’an kymmenes alovehes Piiteris Omskah suate , Čuupan kyläs Pskovan linnassah .
— Joga kerdua opimmo keksie midägi uuttu . Täl keruda pruazniekas rodieu viizi suurdu ozua .Enzimäi akadeemizet da kanzallizet horat ruvetah pajattamah pajoloi omanmuan suvaičukses , Voitonpäivän kunnivokse , nevvostoliitoanaigazien säveldäjien tevoksii .Sit ruvetah pajattamah lapset , heijän peräh suuret akadeemizet horat , sit kanzallizet pajojoukot da jälgimäi kaikin yhtes pajatetah tuttuloi pajoloi , sanoi Oma Mediale Tatjana Ledn’eva , Kanzallizen taijon da kul’tuurualguhpanoloin keskuksen varapiälikkö .
Kanzoinvälisty festivualii pietäh kahten merkipäivän kunnivokse : Karjalan tazavaldu täyttäy 105 vuottu da Ven’an valdivollizen Polenovan nimellizen Rahvahan taijon kodi täyttäy 110 vuottu .
”Karjal pajattau”: pajopruazniekku lähestyy
карельский: ливвиковское наречие
Новописьменный ливвиковский