Тексты
Вернуться к списку | редактировать | удалить | Создать новый | История изменений | Статистика | ? Помощь
Irina Zaitseva. Oma Mua avasi ovet vierahilla
Irina Zaitseva
Oma Mua avasi ovet vierahilla
карельский: собственно карельское наречие
Новописьменный севернокарельский
Kešäkuun
19. päivänä Oma Mua -lehen toimitukšen ruatajat piettih avoimien ovien päivä .
Toimittajat vietettih kakši muasteri-oppie , missä halukkahat šuatih tutuštuo karjalaisen muanviljelyön perintehih ta karjalaisen puvun istorijah .Tilaisuš piettih lehen 35-vuotisjuhlan rajoissa .
Piätoimittaja Natalja Sinitskaja lämpimäšti tervehti kävij ie , a toimittajat vietettih muasteri-oppija lapšilla ta aikuhisilla kävijillä .
Vil’l’a-aitta -muasteri-opissa Marija Remšujeva kerto ošallistujilla karjalaisešta muanviljelykšeštä .
– Karjalaiset kašvatettih osrua , ruista , kakrua ta vehnyä . Vehnä kašvo vain tašavallan šuviošissa .Vil’l’at kypšyttih , niitä puitih priušalla ta šuatih šuurimua , jauhottih vesimel’l’ičöillä ta käsikivillä ta šuatih jauhuo .Šiitä valmissettih ruokua .Eniten tykättih marja - ta jauhokiisselie ta šuurimahuttuja , šaneli Marija Anatoljevna .
Šamoin ošallistujat šuatih tietyä mistä vil’l’oista luajittih eri jauhoja ta šuurimoja .
Šiitä pelin aikana kävijät yritettih miärätä mitä ruokie valmissettih šuuriman kera ta ilman šitä .Muasteri-opin lopušša Marija Remšujeva arvautti keräytynyillä vaikeita karjalaisie arvautukšie .
– Ihmiset mielelläh vaššattih kyšymykših ta arvattih arvautukšie , muhittih ta kiitettih milma . Mie en enšimmäistä kertua vietän tätä muasteri-oppie , ta aina on hyvä mieli , jotta ihmisillä on mukava , šano Marija .
"Oman Muan " toimittajan Margarita Kemppaisen muasteri-opissa šai nähä ta šovitella pukuja , kumpasie karjalaiset käytettih 1100- ta 1800 -luvulla .
– Tyttö šuoriutuu pruasniekkah , missä pitäy olla vorssa . Šitä varoin otamma nauhoja ta šivomma niitä hiemoih .Kaššašša niise pitäy olla ušeita nauhoja , jotta ne liehuttais tanššin aikana .Poika tarviččou vyötä , kaklapaikkua , liivie , hattuo , šelitti Margarita Seppovna lapšien joukolla .
Karjalaini puku herätti erikoista ihaššušta ta intuo aikuhisissa .
– Kanšallisešša puvušša mie tunnen iččie oikiekši karjalaisekši . Olen tovellini Pohjolan emäntä , kumpani tuli "Kalevalan " šivuilta .Mie ta Alla laulamma Pitaritsi-kuorošša , ta karjalaini puku on tuttu meilä .Ka šemmoni rekonstruoitu keškiaikani puku on ihan uuši .Mie ammuin halusin šovitella šitä , ta tänäpiänä miun toiveh toteutu .Eniten tykkyän korissukšie , korošti ošallistuja Rigina Leini .
Toiset ošallistujat ihual’tih karjalaisen kruutan rikkahutta .Oli šemmosieki , ket paistih ihan ouvošta tuntehešta .
– Keškiaikani karjalaini puku miellytti milma , ta šen värit hyvin šovittih miula . Puvušša oli tosi lämmintä .Mie tulen toisihki muasteri-oppiloih , šano ošallistuja Irina .
Oma Mua avasi ovet vierahilla
карельский: собственно карельское наречие
Новописьменный севернокарельский