Тексты

Ennen olis pitän

25 июня 2025 в 11:37 Нина Шибанова

создал(а) текст
создал(а) текст: Ennen olis pitän, kiiromaiseni, kivettömillä paikoin kivisiksi kirvotella kieroista šiänalasista, ennen kun näin kiiran alahaisien ošien aštujaisiksi kiiran ylennellä kiiromaistani. Ennen olis pitän okšattomilla torokoilla okšasikse oimun luajitella ottamaistani, ennen kuin oimun alahaisien ošien aštujaisikse or'heijen ilmojen piällä. Ennen olis pitän kan'arvikoilla paikoilla kannettuiseni kavotella, ennen kun kaihojen ošien aštujaisikse kaunehien ilmojen piällä kajon ylennytella. Niistä tulou kajon šuuret kaihoset kaiholla vartuol'l'ani. En voi niitä kaihoitta vesiraisoittani kavotella enkäi puuvutella. En voi, vierona vartuvoni, kun vieronoijen ošien aštujaisiksi on virkellyn viekkahat spuassuset viihyttämäiseni viekkahien ilmojen piällä. Nin en voi visan alahaisitta vieronoitta vesiraisoittani hiän viekkahuisie visan šilmitellä. (Anna on, anna on niin.)
создал(а) перевод текста