Тексты
Вернуться к списку | редактировать | удалить | Создать новый | История изменений | Статистика | ? Помощь
Nikandrova Anna . Venččäytymini Vuonnisešša
Nikandrova Anna
Venččäytymini Vuonnisešša
карельский: собственно карельское наречие
Новописьменный севернокарельский
Venččäyvyttih Dmitrii ta
Al’ona Spodinit Moskovan alovehen L’ubertsi-kaupunkista .Hyö jo toista vuotta peräkkäh tullah Vuonnisen runokyläh levähtämäh kaupunkin touhušta .
Ylä-Kuittijärven rannalla istorijallisešša Jyrkilän termä -paikašša Pyhien Makovein časoun’ašša Koštamukšen ta Kemin Boris-piispan plahosloven’n’an mukah Dmitrii ta Al’ona lujitettih oma yhtehmänö pravoslavnoin venččäytymisen ritualilla .
Šen tärkien tapahtuman uattona nuoret ihmiset tunnuššettih riähät ta käytih pyhällä .Jumalanpalvelukšen heilä vietti Kalevala-pos’olkan Pyhien Petrin ta Puavilan kirikön piäpappi ijerei Jevgenii Korenev .
Venččäytymini piätty kirikönkellojen šoitantah , hyvih juohatukših ta onnitteluih .
– Toivotan Al’onalla olla apulaisena miehellä , huolehtie häneštä ta kannattua vaikeina hetkinä , a Dmitrillä – pityä huolta pereheštä ta šäilyttyä šitä , olla luotettavana tukena ta šuojelijana , korošti Jevgenii-pappi .
Al’ona kerto :
– Myö piättimä venččäytyö Vuonnisešša , šentäh kun kylä antau meilä rauhua ta voimua .Še šyväšti painu meijän šieluh .
Časoun’a ennallissetih 14. elokuuta 2013 šuomelaisen valokuvuajan ta kirjailijan , karelianismin huomattavan etuštajan Into Konrad Inhan kuulusan valokuvan mukah .Kopijon projektin luati arhitektori Sergei Kulikov .Šalvo valmissettih Puanajärveššä , a Ylä-Kuittijärven rannalla še kovottih vuonniselaiset ta puanajärviläiset muasterit .
Venččäytymini Vuonnisešša
карельский: собственно карельское наречие
Новописьменный севернокарельский
–