Тексты
Вернуться к списку | редактировать | удалить | Создать новый | История изменений | Статистика | ? Помощь
Сидоркин Валерий. Muasterin kačahuš iänen šyntyh
Сидоркин Валерий
Muasterin kačahuš iänen šyntyh
карельский: собственно карельское наречие
Новописьменный севернокарельский
Iänen
šynty . Muasterin kačahuš -näyttely toimiu Kanšantaijon ta kulttuurialottehien keškukšen käsityötalošša .
Näyttelyn peruštehena on muusikon Andrei Smolinin johtaman 1. musiikkipaja -luovan yhtyvehen jäšenien valmistamie šoittimie .Paja oli järješšetty Petroskoissa kakši vuotta takaperin ta yhisti taitajie muasterija , kumpaset maltetah luatie , rekonstruoija ta korjata musiikkišoittimie .Yhtyveheššä on Karjalan anšijoitunut kulttuuriruataja Aleksandr Frolov , Andrei Smolin , Sergei Popov , Nikolai Sidorov ta Radis Gainijatov .
– Jokahisella muasterilla on oma taival , kuin hyö ruvettih luatimah šoittimie . Šen lisäkši , jotta hyö ollah šoittimien luatijat , hyö ollah šamoin yhtehiseššä luovašša ruavošša šoittajien kera , min anšijošta šoittimien mahollisuot ta iänet täyšin avauvutah , šelittäy Käsityötalon piäspesialisti Natalja Igrakova .
Näyttelyn enšimmäiseššä šalissa on esillä eri vuosina luajittuja kanteleita , kuin tavallisie viisikielisie , niin ni ammatillisie hromattisie 33- ta 50 -kielisie , šekä jouhikkoja ta sigudek-šoittimie .Eryähillä šoittimilla voipi kuot’ella šoittua .Näyttelyššä on ni erilaisien viulujen ta kitarojen , sellojen ta kantelien , jouhikkojen ta sigudekien rekonstruoituja mallija .Kaikkieh yli 50 šoitinta .
– On mukava , jotta näyttelyššä on šoittimie , kumpasie enyä ei myyvvä , ka muasterit vielä käytetäh niitä . Esimerkiksi , pieni viulu , kumpani oli luajttu kolme-vuotisella lapšella , tahi vielä rumpu , kumpani on luajittu pešukonehen ošašta , lisyäy Natalja Igrakova .
Näyttelyn toini šali esittäy , mitä on šoittimien luatijan ta korjuajan pajašša .Šielä voipi nähä höyläpenkki ta kaikenmoisie ruatokaluja , varuššukšie šoittimie varoin kuušešta , vuahterašta , ulmušpuušta , poppelista , lepäštä ta äšen mahagonista tahi pähkinäpuušta .Puupaloja voipi ottua käsih ta huomata niijen eruo šekä ymmärtyä kuin ne vaikutetah šoittimeh .
Näyttelyö lisätäh Päiväni kaupunki -piiruššuškerhon nuorien ošallistujien piiruššukšet , kumpasien teemoina ollah "Šoittimien šynty ", "Ašetelma šoittimen kera ", "Musiikin šynty " ta "Šoittimien disaini ".Vielä voipi nähä valokuvie , kumpasissa on esitetty šoittimien valmissukšen eri vaihiet .
Iänen šynty . Muasterin kačahuš -näyttely on auki kešäkuun loppuh šuaten ta šen järještäjät ollah varmoja , jotta šinne on mukava käyvä ei vain ammattišoittajilla , a kaikilla , ketä kiinnoštau Karjalan musiikkikulttuuri ta ken tahtou tiijuštua enämpi meijän muasterien ruavošta .
Muasterin kačahuš iänen šyntyh
карельский: собственно карельское наречие
Новописьменный севернокарельский