Тексты
Вернуться к списку | редактировать | удалить | Создать новый | История изменений | Статистика | ? Помощь
Martinkova Jekaterina . Rürik Loninan jubilejaks tehtihe ozuteluz
Martinkova Jekaterina
Rürik Loninan jubilejaks tehtihe ozuteluz
вепсский
Младописьменный вепсский
Suomalaiž-ugrilaižes
školas avaitihe "Rürik Lonin – vepsän rahvahan geroi " -ozuteluz , mitte om omištadud .
Täl vodel täudub 95 vot Šoutjärven vepsläižen etnografižen muzejan tegijan sündundaspäi .
– Lapsile ozuteluz om lujas mel’he . Eskai ezmäižen klassan openikoil , kudambad tuliba ozutelusen avaidusele , oli sur’ melentartuz’ Rahvahaližen muzejan pämehen Mihail Gol’denbergan starinaha .Lapsed tegiba küzundoid , sanuiba vepsäks erasid vaihid .Karjalan , vepsän da suomen keliden urokoil lapsed diskutiruiba ozuteluses opendajidenke , jagoihe ičeze tedoil Loninan kanzas , – sanui Suomalaiž-ugrilaižen školan pämez’ Natalja Barkalova .
Nügüd’ lapsed läksiba kezapästusile , no ozuteluz avaidase udes 2. sügüz’kud .Ekspozicijas starinoičeba nored volont’orad , kudambad opendaba vepsän kel’t školas .
– Minei ozuteluz toi vaiše pozitivižid melid . Minä tedan Rürik Loninan elon da muzeiradon istorijad , lujas kitän händast vepsän kul’turan muzejan tegemižes .Mugažo se om lujas tärged minun täht , sikš ku minun kanzas om vepsläižid jurid .Minun mamoi Valentina Mihailovna om sündunu da kazvanu Piterin agjan Podporožjen rajonas vepsläižes kanzas , – ližazi Natalja Barkalova .
Ozutelusen radon aigan sidä voiba kacta Suomalaiž-ugrilaižen školan openikad da heiden kazvatajad , a mugažo lapsed , kudambad tuleskeleba adivoihe toižiš školišpäi .Möhemba ozutelusenke voiba tundištadas kaik tahthikad , sikš ku sid’ se jatktab ičeze matkad Karjaladme .
Rürik Loninan jubilejaks tehtihe ozuteluz
вепсский
Младописьменный вепсский