Тексты
Вернуться к просмотру | Вернуться к списку
Valdoin laššenda virži
История изменений
02 июля 2025 в 11:49 Нина Шибанова
- создал(а) текст
- создал(а) текст: Hospodikkoo dai boože, blahozlovikkoo, valgiat voolijazet, valgiat privol'noit vol'avaldazet. Voolimien kera vaškizilla varariehtilöillä vaapuin. Voolimien omenan kera voottiat vootteihe koššettih, valgia kandajaženi, vaškizilla varariehtilöillä käydyöh vooliman voožnoimman siemenyön kera. Kallis kandajaženi rodiitel'a, puolet sormušlihazia miun d'o šorruttih. Igoi, kallis kandajaženi, arvelit, mihi varo näillä vagavilla varariehtilöillä voopuin? Šormin ottamien kera šormet šormiloih koššettih, puolet šormilihazia šorruttih. Hoi, kallis kandajaženi, ana kaksikerdažet karaulažet, lähen kargien alazia kaunehia kanakuiduzia [kavottelemah], ihalan idvojažen ilmazilla izmenättömien imbikuiduzien kera ilottelomah, pol'ubittuloilla aijoilla posroiittuloin podruškoin kera valgeijen špoošuzien valdazia d'ättämäh. Olovan ottajaženi paikoissa lähen odova odoperäzia ojendelomah odo arttelin kera. Idvojazien ilmazilla d'ätän izmenättömät imbikuidužet ihalan idvojazen ikkunan peällä. Ana kalliš kandajaženi rodiitel'a igävillä aijoilla ilottelou. Ana šugijani kandajaženi Tungusta viehätettylöin šumbien šundugoin seämeh panou kaunehet kanakuidužet, kudamat oldih kaunehišta Kajoanin jarmankoišta tuuvut Kajoanin škatulkažet. Kalliš kandajaženi igävinä aigoina kävelöy kaunehišta Kajoanin jarmankoišta tuoduloista škatulkoišta kallehin praaznikkazin kanakuiduzia kaččomah, imbikuiduzia ilottelelomah. Hoi, valgia kandajaženi, tule valgian voolijaženi valettuloih vaškizih vajazih päin vaštah. Polvi kandajaženi, pol'ubiimoloin podruškad'oukkozien kera podoidin polvipäizih porrasploštalkazih päin d'älgimäžet kerdažet. Tuo, kukaš kandajaženi, kuuvettoista kuušan'n'azet kuklad'oukolla näiksi kerroiksi kuotella. Mannoin monasterin aigohižet mageet mannoit kuušan'ažet d'älgimäžet kerrat. En voi valgeilla ni privol'noiloilla vol'avaldazilla vooppuo.
- создал(а) перевод текста