Тексты
Вернуться к списку | редактировать | удалить | Создать новый | История изменений | Статистика | ? Помощь
Сидоркин Валерий. Jälkeläisien on tiijettävä šiitä šovašta
Сидоркин Валерий
Jälkeläisien on tiijettävä šiitä šovašta
карельский: собственно карельское наречие
Новописьменный севернокарельский
Peruštuon Šuurella
Voitolla omissettuih Karjalan rintama kameran šilminta Karjalan rintaman linjan takana : partisanit ta peittoruatajat -näyttelyih Kanšallisen musejon ruatajat valmissettih koululaisilla tuntija niijen näyttelyjen piäaiheista .
Karjalan rintama kameran šilmin -näyttely toimiu šyyškuun 30. päiväh šuaten ta kertou Karjalan rintaman šotavalokuvuajien ruavon erikoisukšista .Heijän luatimien valokuvien ta ainutluatusien musejoesinehien kautti kävijät tutuššutah šovan eri vaiheih Karjalašša ta Murmanskin alovehella .Šamoin kävijät šuahah tietyä tunnettujen šotavalokuvuajien elämäštä .
Karjalan rintaman linjan takana : partisanit ta peittoruatajat -näyttely toimiu šajekuun 5. päiväh šuaten .Še on omissettu Karjalan rintaman partisanien ta peittoruatajien toiminnan urhollisilla ta tragisilla šivuilla , heijän taistelulla miehittäjie vaštah .
Niijen näyttelyjen rajoissa vietetäh erillisie tuntija ala -, keški - ta yläluokkalaisilla .
Näin 1.–4. luokkien opaštujat interaktiivisissa Šovan arkipäivät - ta Yksi päivä jalkašotilahan elämäštä -tuntiloissa tutuššutah Ruškien armeijan šotilahien jokapäiväseh elämäh .Meijän kaupunkin kavut šuatih heijän nimet -tunnissa lapšet šuahah tietyä Karjalan rintaman šankarien urošruavoista , kumpaset on ikuissettu Petroskoin Marija Melentjevan ta Anna Lisitsinan katujen nimissä .
5.–9. luokkien opaštujilla on järješšetty interaktiiviset Šovan arkipäivät -, Erikoisešša tehtäväššä -, Makšuan tovešta elämällä : ammatti – šotavalokuvuaja -tunnit šekä temaattiset Karjala Šuuren Isänmuallisen šovan vuosina -, Luvemma šotavalokuvua ta Meijän kaupunkin kavut šuatih heijän nimet -tunnit .
Musejon tilaisukših 9.–11. luokkien opaštujilla kuulutah Makšuan tovešta elämällä : ammatti – šotavalokuvuaja -, Karjala Šuuren Isänmuallisen šovan vuosina -, Šota Vakumi-alovehella : Karjalan rintaman partisanit ta peittoruatajat -, Luvemma šotavalokuvua -, Erikoisešša tehtäväššä -, Vuosien 1939 – 1940 Talvišota -tunnit .Šamoin yläluokkalaisilla on tarkotettu Mitein paissa nuorison kera Šuurešta Isänmuallisešta šovašta ? -luvento .
Käyveššä tuntiloissa koululaiset käytetäh Puškinin korttie .
Još mistä lienöy šyyštä opaštujien ryhmä ei voi tulla musejoh , ni Kanšallisen musejon ruatajat vietetäh niitä tarvittavašša koulušša .
Jälkeläisien on tiijettävä šiitä šovašta
карельский: собственно карельское наречие
Новописьменный севернокарельский