Тексты
Вернуться к списку | редактировать | удалить | Создать новый | История изменений | Статистика | ? Помощь
Ol’ga Ogneva. “Siämärven palitru” keräi taidokuvailijoi kogo Ven’alpäi
Ol’ga Ogneva
“Siämärven palitru” keräi taidokuvailijoi kogo Ven’alpäi
карельский: ливвиковское наречие
Новописьменный ливвиковский
Siämärven palitru -pleneeru tuaste
keräi taidokuvailijoi kogo Ven’alpäi .
Jessoilas loppih toine kogo Ven’an Siämärven palitru -pleneeru .Kymmene päiviä taidokuvailijat Ven’an eri linnoispäi piirrustettih Siämärven čupun luonduo da kylii .Pleneerah yhtyi kaksikymmen taidokuvailijua Moskovas , Piiteris , Voronežas , Ala-Tagilan linnaspäi , Voulogdan , Smolenskan da Ala-Novgorodan alovehilpäi .Eigo vilu da märgy siä olluh tiel , eigo čakat da mödžöit keskustettu heijän ruaduo .
– Konzu piirustat – sinul kai on hyvin . Ollou vihmu , voibi piirustua toizes kohtas , vihmansuojuksen libo levon al .Pleneeru ainos menöy hyvin .Suuret passibot Karjalale , sanoi Siämärven palitru -pleneeran kuruattoru , taidokuvaili L’udmila Orlova .Häi tuli Karjalah Urualalpäi , Ala-Tagilan linnaspäi .Kymmenes päiväs pleneerah yhtynyöt taidokuvailijat ehtittih ruadua Jessoilas , Korzas da Siämärven kyläs , käydih Rupčoih .
– Meidy kaikkiel muga hyvin otetah vastah . Rupčois pajuo pajatettih : Ylen äijäl miellytettih karjalazet pajot da kruugat .Ylen rahmannoit rahvas .Kai oli ylen hyvin , ližäi L’udmila Orlova .Svetlana Varfolomejeva Piiterispäi enzimästy kerdua kävyi Karjalah .Händygi tämä matku miellytti :
– Tulokset dai Karjalan mual vietetty aigu ollah mieldy myö .Vie myö lähtemmö Petroskoile , olemmo sie sentämän päivän .Meijän matku vie ei loppei , vie jatkammo sidä mielihyväl .Pleneeran tuloksennu rodih yhtehine ozuttelu Kielen kirju - etnokul’tuurukeskukses Jessoilas .Se piettih 7. heinykuudu .Ližäkse pleneeran aigua piirustetut kuvat ozutettih rahvahale Korzan kezäpruazniekas .
– Minä näin täs oman koin da suuren luhtan sen ies . Minule sanottih , ku enne sit ainos kylbiettih kezoidu hanhet .Minä iče niidy en nähnyh , eigo niidy ole tänä kezän .Ga taidokuvailii kuilienne nägi da piirdi net , diivihes korzalaine Natalja Savina .
Ielleh pleneeran järjestäi Valgien kodine -stuudien ohjuaju Oleg Obnosov huavuau pidiä siirdo-ozuttelun , sih jogahine taidokuvailii andau yhten ruavon .Ozuttelu nähtäh Karjalan eri linnois da kylis .
“Siämärven palitru” keräi taidokuvailijoi kogo Ven’alpäi
карельский: ливвиковское наречие
Новописьменный ливвиковский
–