Тексты
Вернуться к списку | редактировать | удалить | Создать новый | История изменений | Статистика | ? Помощь
Anni Vlasova. Kylä juhli ta kyykkä lenti
Anni Vlasova
Kylä juhli ta kyykkä lenti
карельский: собственно карельское наречие
Новописьменный севернокарельский
Heinäkuun
6. päivänä Piäjärveššä vietettih perintehellistä juhlua – Kyläpäivyä .
PRUASNIEKAN LUAJA OHJELMA
Pruasniekan ohjelma oli luaja ta šuunnattu kuin lapšilla , niin ni aikuhisilla .Še toteutettih paikalliset esiintyjät šekä vierahat Čupašta – Pohjoni Harmonija-kollektiivi .
Erityisešti kaččojie miellytti piiteriläisen vierahan Liza Kuranovan esityš , missä häntä šäješti ämmö Jekaterina Kuranova .
Meijän Karjalaini pirtti järješti jarmankka-näyttelyn .Šielä oli esitetty kotikuvottuja mattoja , tikutettuja šukkie ta kintahie šekä kukkatauluja , olkišeppelehie ta -šyväimie .
Anastasija Nikolajeva piti lapšilla muasteri-opin , missä luajittih kollašija luonnonmaterialiloista .Myöntirivilöissä riitti vilškettä , a kaččojat nautittih esiintyjien lauluja ta hyvyä šiätä .
Tunnelma oli lämmin ta juhlamaini – palkittih pitkäikäsimpie eläjie , nuorin kyläläini ta aktiivisie kyläläisie .
Juhla onnistu !Passipo šiitä kulttuuritalon ruatajilla ta kylän hallinnolla .
URHEILUJUHLA
Pruasniekan uattona , 5. heinäkuuta Piäjärveššä järješšettih urheilujuhla .Tietyšti ohjelmah kuulu niise perintehellini karjalaini kyykkä-peli .Tänä vuotena šaima vierahiksi kakši kokenutta joukkuo Kalevalašta .
Piäjärveštä ošallistu niise kakši joukkuo : "Janikset " – melkein kaikki peluajat oltih Zaikovin pereheštä , ta toini joukko oli kerätty Piäjärven koulun piäštökkähistä .
Kuin ni ajattelima , Kalevalan Kičut - ta Otava -joukot vietih voiton .
Onnakko myö emmä apeutun , šentäh kun šaima arvokkahie neuvoja pelistä ta näkimä käytännöššä tekniikkoja , mit šuavutetah parempih tulokših .
Kalevalalaiset autettih niise tuomaroinnissa , ta meijän Anastasija Jurjevna Nikolajeva laški pistehet .
Kilpailujen jälkeh kaikkie kučuttih Karjalaiseh pirttih onnittelutilaisuoh .Kylän hallinto järješti diplomija ta juhlapiiruan – passipo heilä tuvešta !
Kaččojien mieltymyšpalkinnot šuatih kilpailujen nuorimmat ošallistujat : Veronika Zaikova ta Sofija Skvorčevskaja Piäjärveštä šekä Artemii Markušev Kalevalašta .
Kuin aina , joima čäijyö piiruan ta makeijen kalittojen kera , kumpasie paisto Lidija Logutova .
Passipo kaikilla ošallistumisešta !
Kylä juhli ta kyykkä lenti
карельский: собственно карельское наречие
Новописьменный севернокарельский