Тексты

Краткая Священная исторiя. Inehmizien rodukundu jälles upotustu i rahvahien algu

31 июля 2025 в 14:39 Ирина Новак

создал(а) текст
создал(а) текст: Inehmizien rodukundu jälles upotustu i rahvahien algu. Nojal oli kolme poigua: Sim, Ham i Iafet. Heis jälles upotustu roittiheze kai rahvahat, kudamat nygöi eletäh muan piäl. Ham ei kunnivoittanuh omua ižiä i sendäh kaimai hänen blahosloven’n’an. Hamas myöstei roittiheze pahat rahvahat jälles upotustu. Aijan mendyy pahat rahvahat i pahat dielot heijän keskes ližettih. Meni sih sah, jotta heitettih kunnivoittamah Jumalua, a heittähyy Händy kunnivoittamah, ruvettih i unohtamah Händy. Konzu unohteltih oigiedu Jumalua, a yhtelleh heijän syväimes oli vie tundo, jotta ei sua olla Jumalata: silloin ruvettih kunnivoittamah Jumalan sijas päivästy, kuudamua i muida luajittuloi kaluloi. Se nimitetäh paganoin uskokse i kuvien kumarduksekse. Oigien Jumalan tiedo odva jäi vai Siman rodukunnas. Kui inehmizet roittiheze yhtes inehmizes, sendäh hyö paistih yhtel kielel i oldih yhtenny rovunnu. Ylbeys pani heile tyhjän mielen luadie suuren huonehen taivahassah, jotta mennä heile kuulužakse. Sendäh Jumal nakažii heidy sil, jotta sevoitti heijän kielet muga, jotta hyö ei ruvettu ellendämäh toine tostu i levittih kaikkie muailmua myö. Sidä myö roittiheze monet rahvahat, pagizijat monel kielel.
создал(а) перевод текста