Тексты

Вернуться к просмотру | Вернуться к списку

Краткая Священная исторiя. Zakonu i pyhä kirjutus

История изменений

01 августа 2025 в 09:51 Ирина Новак

• создал(а) текст
• создал(а) текст: Zakonu i pyhä kirjutus. Ennen Moiseidu inehmizet tiettih i kunnivoitettih Jumalua i elettih omua syväin¦zakonua myö i pyhää sanelemistu myö. Syväin¦zakonu on se min Jumal andaa tietä inehmizele hänen mielen i hänen syväin – tunnon kaute. Pyhä sanelemine on se, konzu Jumalan i jumalallizen eländän täh opastus, kudaman Jumal Iče andoi inehmizile, sanelemizen i toine toizen eländän kaute ižis i emis menöö lapsile i ielleh nouzijale polvele. Sanelemizele avutti kestiä se, jotta inehmizet hätki elettih: ennen upotustu elettih yheksän sadua vuottu i enämbän, a jälles upotustu kolme sadua vuottu i enämbän. Muga yksi inehmine voi monen sadua vuottu sanella toizile inehmizile Jumalan i inehmizien dieloloi. Moisein aigoin ymbäri inehmizen igä rodih äijän lyhembi ennisty; a sendäh sanelemine ei kestänyh toven vardoimizekse. Sen piäle rahvahan keskes pahat dielot ližettih, a sendäh inehmizen mieli i syväin¦tundo enämbäl i enämbäl nimettih. Sendäh, toven vardoimizen täh i levittämizen täh inehmizien keskes, Jumal andoi Ičen¦sanotun zakonan i pyhän Kirjutuksen. Jumalan sanottu zakonu on se Jumalan i Jumalan kuundelendan täh opastus, kudaman andoi inehmizile Iče Jumal. Pyhäkse kirjutuksekse nimitetäh moizet kirjat, kudamat ollah kirjutetut Jumalan neuvondua myö. Viijen¦kymmenendenny päivänny Evreloin lähtehyy Egiptas, Jumal ozutti heile Oman olendan Sinajan mäin piäl tules, savus i torven soittamizes i andoi heile zakonan, kudaman suurimmat kymmenen käskyt ollah nämät: 1. Minä olen Gospodi sinun Jumal, ei pie olla sinul toizii Jumaloi paiče Minuu. 2. Älä azu ičele valeh¦jumalan kuvua, i nimittumua sen nägyö, mi on taivahas ylähän, i mi on mual alahan, i mi on vezis muan al: älä kumardele heile, älä¦go kunnivoita heidy. 3. Älä mainiče Gospodin sinun Jumalan nimie tyhjiä. 4. Muista suovattu¦päivy, jotta sen pyhittäzit: kuuzi päiviä rua, i toimita (niinny) kai sinun dielot, seiččemendenny bo päivänny on Gospodin sinun Jumalan suovattu. 5. Kunnivoita omua ižiä i omua emiä, jotta hyvys tulis sinule, i jotta viikon eläzit sinä muan piäl. 6. Älä tapa. 7. Älä elä vierahan naizen kere. 8. Älä varrasta. 9. Älä sano sinun lähimäizen piäle viärää tovestustu. 10. Älä tahto ičele sinun lähimäizen muččoidu, älä tahto sinun lähimäizen kodii, ei¦go hänen pelduo, ei¦go hänen ruadajua, ei¦go hänen käskylästy, ei¦go hänen härgiä, ei¦go hänen hebuo, ei¦go toizii hänen elävii, ei¦go midä, mi on sinun lähimäizen. Nämät käskyt oldih kirjutetut kahten kivizen lavvan piäl, i oldih pannuot liiton kivottah, kudai oli azuttu ylen kallehes puus i kullal lyödy, a kivottu se oli pandu skinijas, eiga liikuteltavas Jumalan kirikös. Skinijas oli muga¦gi altari luadanan poltandan täh, tuohus¦jalgu i leivän¦piendy stola. Skinijan ies oli azuttu žertvenniekku, kudaman piäl tuodih monda luaduu lahjoi. Sluužbua pidämäh skinijas oldih vallitut: ezi¦pappi, papit i Levitat, Levijan rodukunnas, Juakoin poijan. Jumal käski kuunella Hänen zakonua i yhtel aigua myöstei toivotti andua Evreloile Hanaanlizen muan, uskaldetun Avraamale. Häi myöstei uuvisti heile uskalmon andua muailman Spuasan, suuren Prorokan nimes, Kudaman vai ezi¦tunnuksennu oli Moisei. Moisei kirjutti Jumalan zakonan i Jumalan uskalmot enzimäizis viijes pyhis kirjois.
• создал(а) перевод текста