Тексты
Вернуться к списку | редактировать | удалить | Создать новый | История изменений | Статистика | ? Помощь
Maikki Remšujeva. Tašavallašša voipi tutkie rahotuškulttuurie karjalakši
Maikki Remšujeva
Tašavallašša voipi tutkie rahotuškulttuurie karjalakši
карельский: собственно карельское наречие
Новописьменный севернокарельский
Venäjän
keškušpankin Karjalan ošaštošša piettih rahotuškulttuurilla omissettujen vienankarjalaisien plakattien ta audioluventojen presentatijo .
Venäjän keškušpankin Karjalan ošašto valmisti karjalankielisie plakattija ta audioluventoja rahotuškulttuurista ta turvallisuošta .Ainehisto on kiännetty vienankarjalakši .
Nyt karjalan kielen snaiččijat voijah muamonkielellä šuaha tietyä mitä ruatua , još kortilta varaššettih rahat , mitein pelaštuo telefonimošenniekkojen anšoista , kuin šuaha rautarahat toimimah , mitein ohjata yhtehistä b’utžettie , kunne kiäntyö , još šiun oikeuvet on rikottu , mitein ottua rahat kortilta kaupan kassašta šekä mitein tovistua rahojen alkuperäisyttä .
Projektin presentatijošša Venäjän keškušpankin Karjalan ošašton johtaja Vadim Čekan korošti , jotta rahotuškulttuuri auttau ihmisie šäilyttyä ta lisätä omie rahoja .
– Projekti auttau eistyä kuin rahotuškulttuurie ta turvallisutta , niin ni kanšalliskieltä . Venäjän Pankin šivissyšmaterialit enšimmäistä kertua on kiännetty karjalan kielellä .Toivomma , jotta niijen avulla vielä enemmän ihmisie tuttavuštuu rahotuškulttuurin peruštehih ta tuntou iččie varmemmiksi talouvellisie piätökšie luaties’s’a , šano Vadim Vladimirovič .
Šivissyšprojekti on toteutettu Venäjän keškušpankin Karjalan ošašton ta Karjalan kanšallisen ta alovehellisen politiikan ministerijön yhteistyöššä .
– Lisyämmä audioluvennot ministeriön VK-šivulla . Plakatit lähetämmä Karjalan piirilöih , lupasi Kanšallisen ta alovehellisen politiikan varaministeri Aleksandra Jeršova .
Venäjän keškušpankin šivissyšprojektin materialit – plakattien ta audioluventojen tekstit kiännettih Karjalan tašavallan piämiehen rinnalla toimijan šanaštokomiisin jäšenet .
Materialien kiäntäjänä ollešša voin šanuo , jotta mie enšin epyälin , šuatanko kiäntyä šivissyšmaterialija , šentäh kun tekstit ollah šuuret ta melko vaikiet .Šiinä on hyvin äijän šemmosie šanoja ta finanssitermijä , kumpasie myö harvoin käytämmä jokapäiväseššä pakinašša .No kuitenki mie šuoššuin ruatoh ta kiännin kolme plakattie ta nellä luventuo .Voin šanuo , jotta tekstit ollah hyvin mukavat ta hyövylliset .Mie šain tietyä šieltä äijän tietoja , kumpaset autetah milma elämäššä .Olen varma , jotta nämä tiijot ollah hyövyllisie audioluventojen kaikilla kuuntelijilla ta noššetah ihmisien rahotuškulttuurie .
Venäjän Pankin šivissyšmaterialit karjalan kielellä annetat tašavallan kanšallisjärještöjen etuštajilla , Periodika-kuštantamoh , Petroskoin valtijonyliopistoh , Kanšalliseh kirjaštoh , kouluih šekä piirihallintoloih , missä eletäh karjalaiset .Audioluventoja , kumpasie iänitti Uljana Tikkanen , voipi kuunnella šamoin Periodika-kuštantamon ta Oma Mua -lehen VK-ryhmissä .
Šuunnitelmissa on kiäntyä talouvellista turvallisutta koškijie tietoja livvinkarjalakši ta vepšäkši .
Tašavallašša voipi tutkie rahotuškulttuurie karjalakši
карельский: собственно карельское наречие
Новописьменный севернокарельский