Тексты
Вернуться к списку | редактировать | удалить | Создать новый | История изменений | Статистика | ? Помощь
Irina Sotnikova. “Pajatam sinei, meiden armaz röun!”
Irina Sotnikova
“Pajatam sinei, meiden armaz röun!”
вепсский
Младописьменный вепсский
Necil
vodel Karjalan Valdkundale täudui 105 vot .Kezakun lopus Petroskoiš mäniba praznikazjtegod , miččed oli omištadud necile tärktale aigtegole .Programmaha mülüiba änikoiden da vencoiden panend Velliden da Tundmatoman saldatan kaumile , purehvenehiden voibud , sömänfestival’ , rahvahan käziradoiden festival’ , mastar’-klassad da kanzkvizad , jarmarkad da sportvoibištelendad .No praznikan päazjtegoks tegihe sur’ rahvahidenkeskeine pajofestival’ , miččehe ühtni enamba 1500 pajanikad Venäman erazvuiččiš agjoišpäi .
Pajofestivalin nimi oli "Karjala pajatab ".Azjtegoho ühtni 74 horad Karjalaspäi da ühesa – toižiš Venäman agjoišpäi .Niid ohjanzi 12 tedomahtošt diriž’orad .Festival’ avaitihe Venäman da Karjalan gimnoil .Üks’ festivalin blok oli omištadud Vägestusen 80-voččele jubilejale i 81-voččele Petroskoin päzutandan muštpäiväle .
– Kollektivad ühtenzoittihe , no ezitused jagetihe horiden mödhe : rahvahiden kollektivad , lapsiden kollektivad , akademižed da nügüdläižed horad . Olem ihastusiš ühtneda mugoižehe melentartuižehe azjtegoho .Olim kuti üks’ sur’ kanz , mittušt ühtenzoitab sur’ armastuz meiden Karjalaha , – sanui Vepsän rahvahan horan ohjandai L’udmila Melentjeva .
Rahvahidenkeskeine pajofestival’ om znamasine aigtego ei vaiše Karjalan , no Venäman-ki täht .Se ozutab meiden man horan tradicijoiden bohatust da äjüt .
– Ühtnin neche pajopraznikaha jo toižen kerdan . Ezmäižen kerdan ühtnin festivalihe , mitte mäni Sortavalas vodel 2023, siloi minä vändin kantelel .Necil vodel meid kuctihe kut Petroskoin universitetan kollektiv – rahvahan muzikan ansambl’ "Toive ".Mö vaumištimoiš praznikaks pit’kha , kaikuččen päivän oliba harjoitelused .Oli arvokahašti pajatada ei vaiše Karjalan , no kogonaižen Venäman täht .Pajatim venän , karjalan kelil .Minä ühtnin rahvahan da nügüdläižehe horaha , – jagoihe tundmusil "Toive "-ansambl’an horan ohjandai Alina Kartinen .
Praznikan lopus kuluiba nügüdläižed popul’arižed pajod , artistad paniba päle futbolkoid , i kaik pajatiba da kargaižiba ühtel surel laval .
Lahjakahiden horan taidehen tundijoiden da navedijoiden abul tegihe todesine muzikpraznik , mitte toi hüväd mel’t kaikile .Nadeimoiš , se tuleb hüväks tradicijaks Karjalas .
“Pajatam sinei, meiden armaz röun!”
вепсский
Младописьменный вепсский