Тексты
Вернуться к списку | редактировать | удалить | Создать новый | История изменений | Статистика | ? Помощь
Galina Baburova. “Noidal” läksi eloho uz’ al’bom da videoklip
Galina Baburova
“Noidal” läksi eloho uz’ al’bom da videoklip
вепсский
Младописьменный вепсский
"Nored
päiväd " -al’bomas oma pajod , miččid ende pajati vepsläine norišt .
Koumanden al’boman pästi eloho muzikaline sebr "Noid ".Uz’ al’bom ozutihe internetas heinkun augotišes .Al’boman nimi om "Nored päiväd ", sihe mülüb kuz’ ut trekad .Üks’ niišpäi om venän kelel , viž – vepsän kelel .
– Pajoiden enambišt om tradicionaližid pajoid , miččid ende pajati vepsläine norišt . Sišpäi om al’boman nimi-ki .Naprim kaita necidä energetikad da tahtoim jagatas sil kundlijoidenke , – starinoičeb "Noid "-gruppan ohjandai Vladimir Solovjov .
Uden al’boman ližaks sebral läksi völ videoklip .Se kuvatihe "Kalina da babarm "-pajon täht .
"Kalina da babarm " -pajol oma rahvahan tekst da muzik . "Noid "-grupp tegi aranžirovkan . Pajo starinoičeb neiččes , kudamb mehelusen jäl’ghe lujas tusttui kodid .
– Pajol om melentartuine s’užet , miččes voib sada tedoid vepsläižiden veroiš : surman jäl’ghe ristit kändase kägeks , – sanui "Noid "-gruppan ohjandai VladimirSolovjov .
Uden videoklipan kuvadai da leiktai om Vladimir Boženov .Mugažo klipas om kävutoittud arhivine video .
“Noidal” läksi eloho uz’ al’bom da videoklip
вепсский
Младописьменный вепсский