Тексты
Вернуться к списку | редактировать | удалить | Создать новый | История изменений | Статистика | ? Помощь
Гапеева Алина. Kobraine marjastu andua ristikanzale
Гапеева Алина
Kobraine marjastu andua ristikanzale
карельский: собственно карельское наречие
Новописьменный севернокарельский
Nuožarven eläi Valentina Andrejevna Jaganova pidi
omassah 90-vuozipäivän .
Häneh nähte sanotah "kuldaine syväin ".Aktivistannu olles Val’a-buabo ainos yhtyi talgohruadoloih , pruazniekkoih , Pyhän Miikulan časounas häi hommai tuohuksii , häi ainos avvutti voimattomii da vahnoi omas kyläs (kuni ičel tervehys oli hyvä ), häi on Nuožarven kirjaston parahii lugijoi .
Valentina Andrejeva on rodivunnuh Rukajärven kyläh .Val’al oli kuuzi vuottu igiä , konzu algavui voinu .Häi kazvoi lujas da ozakkahas perehes : muamo , tuatto da kaksi vellie .Kezäl 1941 tyttöine muaman da vellienke lähtiettih buaballuo gostih Kiimasjärvele .Tuatto ruadoi johtajannu školas , hänel pidi kezäl kohendua škola , sendäh häi jäi kodih .Ga vuottamattah tuli voinu …Se ruttoh muutti Val’an eloksen : muamo da vellet kuoltih .
– Minä jäin yksinäh . Ylen äijäl tahtoin kodih .A sit minuu tuodih Vojaččuh t’outan luokse .Hänel oli suuri pereh : muatušku , buat’ušku , kaksi piendy lastu .Syömisty heil ičel ei täydynyh .T’outa rubei hommuamah , ku minuu otettas Vojačun lapsienkodih .Sie oli 130 lastu , mostu ozattomua , kui minägi .Syötettih nenga , ku duumaičimmo , "jallat oijendammo " – vaiku kalua da vetty .Eigo kartohkua , eigo nimidä , mustelou Valentina Andrejevna .
Voitonpäiviä nuožarveläine naine hyvin mustau :
– Zavhouzu aijoi huondek sel tuli meijän pertih da sanoi , ku voitto on tulluh .Myö kaikin kravatiloispäi hyppäimmö da ilomielis juoksimmo sanomah hyviä viestii brihaččuloile pihas poikki .Ilohetkilöin jälles huomaimmo , ku pal’l’ahin jalloin olemmo .Vilu on , keväthäi .
Vojačus Val’a eli vuodessah 1946.Sit händy työttih Lahdenpohjan internuattah .Sie eliä oli vähästy parembi : internuatan alovehel oli 100 juablokkupuudu , 600 marjutuhjuo , piettih žiivattoigi .Internuatas oli 250 tyttölastu , kudamat iče piettih kaikkii talovusruadoloi .Enämbän kaikkie heidy miellytti pidiä oman lapsienkoin roindupäivii .
– Se oli meijän parahii pruazniekkoi , läs moinegi , kui Voitonpäivy . Sie minä elin viizi vuottu , muheloittau Velentina Andrejevna .
Internuataspäi piästyy Val’a piäzi opastumah kinomehuaniekoin školah .Opastui ahker tyttö ylen hyvin .Valentina Andrejevna ruadoi kinomehuaniekannu , kluuban da kirjaston johtajannu .Toiči ruadoi motoristkan sijas , konzu kyläs ei olluh sähkyö .Paiči piälimästy ruaduo oli vie ližiägi – muatalovusruado .Nuori kinomehuaniekku kogo kezän käveli kirzusuappualois , kuni ei olluh kabrastettu pellolpäi jälgimäine liuhtes .Heiniä niittämäh naine kävyi seiččemen kilometrin piäh loitombazile niittymualoile .A vie kinuo pidi ozuttua .
Valentina Andrejevna meni miehele kazakale .Molodoit ollah kazvatettu kolme lastu , tukku bunukkua .Nygöi Valentinal on arteli pruavobunukkua .
Valentina Andrejevnan parahii luondehen puolii on hänen kuldaine syväin .Jygiel aijal häi avvutti monile nuožarveläzile .Häi ylen äijäl pidi huoldu niilöis , kel oli huono tervehys , niistielöis – kaikis , kel pidi abuu .Häi kävyi laukkah , pagizi ristikanzoinke avvoisydämellizesti , andoi uskuo hyväh , gostitti marjoil , kudamii iče keräi .
Nuožarven eläjät toivotetah Valentina Andrejevnale lujua tervehytty .
Kobraine marjastu andua ristikanzale
карельский: собственно карельское наречие
Новописьменный севернокарельский
–