Тексты
Вернуться к списку | редактировать | удалить | Создать новый | История изменений | Статистика | ? Помощь
Olʾga Smotrova. “Kalevalan” urholoin jälgilöi myöte”
Olʾga Smotrova
“Kalevalan” urholoin jälgilöi myöte”
карельский: ливвиковское наречие
Новописьменный ливвиковский
Karjalan
lapsienpuolistusliitto todevutti Prezidentan kul’tuurualguhpanoloin fondan kannatetun "Kalevalan " urholoin jälgilöi myöte-projektan .
Projektu kesti pakkaskuus algajen heinykuuh suate .Sen piälimäzii tarkoituksii on tuttavuttua orboilapsii Kalevala-runoelmah da yhtes ruadajes da matkustajes työnnyttiä heidy oigiedu eloksen dorogua myöte astumah .
Karjalan lapsienpuolistusliitto ruadau Petroskoin , Puudogan , Kondupohjan , Segežan da Sordavalan lapsien abukeskuksienke , kudamis eletäh orboilapset .Puolen vuvven aloh lapset abukeskuksis tuttavuttih "Kalevalah " metoudiekan mugah : lapset kačottih fil’moi , lugiettih , luajittih pienii spektakliloi .Sit heinykuus projektan jälgimäzekse pivokse rodih matku Oniegas ymbäri olijoi linnoi myöte , kudai kesti seiččei päiviä .Matkah yhtyi 14 lastu , nuorin 11-vuodehine .
– Myö olimmo Karhumäis , Puudogas , Šal’skii-kyläs , Hirvakses , Valgei mägi -, Sampo-mägi -kohtis , Sandarmohas , Čolmužis kačoimmo kirikkyö , näimmö Onieganrannikon kallivopiirustuksii . Joga kohtas myö ečiimmö midätahto yhtehisty Kalevala-runoelmanke , šeikuičimmo , verdailimmo , sanoi Karjalan lapsienpuolistusliiton ruadai , Trajektorija uspeha -programmas vastuaju Faina Kondratjeva .
Eri projektoin vuoh lapsienpuolistusliitto enzivuoroh suau orboilapsii ruadamah midätahto hyviä , työnnyttäy eloksen oigiele dorogale , opastau oigieloih ristikanzoin suhtehih .
– Projektah yhtynyzien lapsien joukos oli brihačču , kudai ei paissuh nikenenke . Ga puolen vuvven peräs häi yksinäh nouzi lavale da rubei pagizemah .Se on hyvä tulos .Matkas olles lapset opastutah erähih perusneroloih , kui midä pidäy ruadua .Ezimerkikse , ei kaikin tietty , kui pidäy käyttiä sprejua tihilöi vastah , pidi kai ozuttua .Eräs brihačču syömisty varustajes sordi leikkavusluadazen , pöllästyi , kaččou minuh .Kyzyy : "Mindäh et kirru , et čakkua "?Minä sanon : "Miksebo pidäy čakata , sorrit , ga nostathäi da pezet ", sanelou Faina .
Matkan aigah Matkači-opastuskeskukses lapset yhtes ozutettih laval spektaklin "Kalevalan " mugah , viizi katkelmua sih niškoi hyö valmistettih vie omis abukeskuksis olles .Dekoratsietgi spektaklih niškoi lapset sežo luajittih iče .
“Kalevalan” urholoin jälgilöi myöte”
карельский: ливвиковское наречие
Новописьменный ливвиковский