Тексты
Вернуться к списку | редактировать | удалить | Создать новый | История изменений | Статистика | ? Помощь
Nadežda Vasiljeva. Tuatonmua-liitto rekonstruoičči taistelun Louhen piirissä
Nadežda Vasiljeva
Tuatonmua-liitto rekonstruoičči taistelun Louhen piirissä
карельский: собственно карельское наречие
Новописьменный севернокарельский
Vuuvven
1941 kuumana heinäkuuna Vienan Karjalašša mäni ankarie taisteluja : šakšalaiset eliittišotajoukot riiniyvyttih Kirovin (Okt’abr’skaja -) rautatietä kohti .Vihollista vaššuššettih Ruškien armeijan šotilahat , rajavartijat .Hyö täytettih šelvyä ta lyhyttä käškyö : keštyä kuolomah šuaten .
Pieni , noin kymmenen metrin levie Sohjananjoki yhistäy Vienan Karjalan Tuoppajärvie ta Piäjärvie .Jovešta tuli tärkie vaštineh vihollisen matalla .Veriset taistelut jatuttih šielä melkein koko kuukauven aikana : toičči Sohjannan vesi tuli ruškiekši veren takie .Ruškien armeijan šotilahat ta upšeerit lujašti puoluššettih rantalinjua , min anšijošta rintamuan šelkämäššä šai valmistua vahvan puoluššušlinjan .Konša hyö šuatih käšky peräytyö , hyö lähettih pois ta alettih puoluštua Kiestinkin pos’olkan takana : rautatiellä šuaten oli 45 kilometrie .Šuat neuvoštoliittolaiset šotilahat annettih oma elämä , jotta šeisattua šakšalaisie ta šuomelaisie šotajoukkoja .Vihollini et šuanun piäššä rautatiellä .
Heinäkuun 19. päivänä Sohjananjoven rannalla olijašša Sohjanankošen kyläššä , missä 84 vuotta takaperin mäni ankarie taisteluja , rekonstruoitih vihollisen hyökkäykšen vaššuštamista .Šitä näytettih šotilašistorijallisien klubien kanšainvälisen Tuatonmua-liiton ošallistujat .Viime vuotena "Tuatonmuan " jäšenet vietettih šemmoni rekonstruointa Kalevalan piirissä .Tutkittuo ušeita arhiivadokumenttija hyö tultih louhen piirin Sohjanankošen pos’olkkah , jotta käyvä paikoissa , missä 84 vuotta takaperin oli taisteluja , kulkie šotapolkuja myöten , ošallistuo šotilašhautojen kunnoštamiseh .
"Tuatonmuan " ošallistujat kunnoššetah hautoja joka paikašša , missä hyö pietäh šotilašistorijallista rekonstruointie .
– Tämä on meijän velvollisuš ta kunnivo kuatunuilla Šuurešša Isänmuallisešša šovašša , šano rekonstruoiččijien joukon johtaja Dmitrii Čibisov . – Viettimä Sohjanankošešša šeiččemen päivyä , ta niijen aikana tutuštuma šen pohjosen muan urholliseh istorijah , kävimä nykypäiväh šuaten šäilynyissä vihollisen taisteluašemissa ta Ruškien armeijan šotilahien puoluššušlinjoilla . Meijän netälisen ruavon lopušša rekonstruoiččima taistelun , kumpani tapahtu Sohjananjoven rannalla 20. heinäkuuta 1941.Mie ta monet kaččojat olemma šitä mieltä , jotta myö onnistuma .
Šotilašistorijallisien klubien kanšainvälini Tuatonmua-liitto yhistäy eri ammattien etuštajie meijän muan eri paikoisa , lähisistä ta etähisistä ulkomaista .Sohjanankoškeh tuli etuštajie Moskovašta , Piiteristä , Kurskista ta Belgorodista , Ufašta , T’umenista , Kaliningradista , Jekaterinburgista ta muista kaupunkiloista .
Taistelu Sohjananjoven rannalla piätty , Ruškien armeijan šotilahat vielä kerta vaššuššettih vihollisen hyökkäyš .Kuin äijän šemmosie taisteluja tulou ?Kuin äijän kuatunuita ta huavotettuja vielä tulou pitälti vuotettuh Voittoh šuaten .
Teatterimaisen näytelmän lisäkši kaikin , ket 19. heinäkuuta tultih Sohjananjoven rannalla šuatih tutuštuo Ruškien armeijan ušeih šotaesinehih ta pityä kiäššä Šuuren Isänmuallisen šovan ajan ašeita .
Šinä päivänä Sohjanankošen lapšet yheššä vanhempien kera vielä pitälti tutuššuttih taistelujen rekonstruoiččijih .Tapahtumien muissokši ošallistujat otettih yhtehini valokuva ta kiitettih mahollisuošta omin šilmin kaččuo vuuvven 1941 taisteluo .
Tuatonmua-liitto rekonstruoičči taistelun Louhen piirissä
карельский: собственно карельское наречие
Новописьменный севернокарельский