Тексты
Вернуться к списку | редактировать | удалить | Создать новый | История изменений | Статистика | ? Помощь
Toivonen Valentina . Šuontelen kyläštä ta šen eläjistä. 2
Toivonen Valentina
Šuontelen kyläštä ta šen eläjistä. 2
карельский: собственно карельское наречие
Новописьменный севернокарельский
KUPČAT
Šuontelešša oli kolme kauppiešta – Andrejevit (Timoset ), Antropovit ta Romanovit (Romanaiset ).Kaikin oltih muanveljelijät .Kupčoilla oltih kakšikertaset talot : alakerrokšešša oli kauppapuoli ta yläkerrokšešša oli elinpuoli .
Tavarua tuotih Šuomešta ta Venäjältä venehillä tahi heposilla šiltua myöten yli Volomajokie .Šuomešša tavarat oltih halvemmat tai paremmat .Tuotih kahvie , šokerie , kankašta ta muuta .Viinan ta tupakin kuletuš oli kokonah kielletty .
Romanovien kauppatalošša eli 33 henkie , šerkkujen perehie .Kakši vanhua ukkuo oli isäntinä .Onnakko kaikin elettih šovušša .Vanha isäntä huomenekšella neuvotteli čäijystolašša ken minne lähtöy töih .
Hyö valmissettih myöntitavarua , rekijä , korjua .Muanveljelijät kašvatettih ruista , nakrista , punajuurta , porkkanua .Kalaššušta harraššettih joka talošša , šuatih järveštä verkolla šiikua , matikkua , mujehta , ahventa .Šyyškuušša tuli äijän kalua , še nousi Volomajovešta .Kalua šuatih talvekši ta myötäväkši .Šuonteleh tuli kalan oštajie Petroskoista , Aunukšešta šekä lähikylistä .
ÄMMÖ
Kuin mie jo šanoin , miun ämmö Marija Danilovna oli pohatašta Andrejevin (Timosen ) šuvušta .
Hänen tuatto Danila Andrejev oli enšimmäisen luokan kupčča .Danila Ivanovič oli kakši kertua naimisissa .Konša hänen enšimmäini akka kuoli , hiän otti ičellä toisen akan .Še oli 20-vuotini naini Anna Grigorjevna Romanovin šuvušta .Danilalla oli jo 44 vuotta .Heijät vihittin Puatenešša .Pereheššä alko tulla lašta toini toisen peräh .Kaikkieh šynty 11 lašta , ka monet kuoltih jo enšimmäisenä vuotena .
Miun Maša-ämmö šynty täššä pereheššä 31. pakkaiskuuta 1906.Hiän mäni miehellä Romanovin ainuolla Pekka-pojalla .
Pekka oli Romanovin Zosiman poika .Iče Zosim 26-vuotisena oli šiirretty reservih Moskovan rykmentin henkikuartin rivimieš .Armeijašša hiän oli 15 vuotta .Pekka oli šyntyn 1901.
Pereh eli enšin Šuontelešša .Še oli hyvin kaunis pari .Heilä šynty nellä tyttyö .
Konša alettih repressijat , Pekka otettih ta vankittih .Vähän ajan piäštä mieš lašettih ta pereh muutti Belomorskih , še ennein oli Soroka (Šairalašuari ).Hyö rakennettih talo ta ruvettih elämäh , ka Pekka tuaš vankittih .Ta niin nellä kertua !Kun lašettih kotih , ni joka kerta šynty lapšie .
Vuotena 1937 otettih kokonah yöllä .Šiitä miun muamo ečči tuattuoh .Tiijušti , jotta hänet ammuttih , vaikka myöhemmin reabilitoitih .
Ta miun Maša-ämmö jäi yksin nellän lapšen kera .Ämmö myöšty Šuonteleh .
Vuotena 1941 alko šota .Omat poltettih koko kylä , jäi vain muutoma talo .Šuomelaiset tultih Sellin kautti .Perehet työnnettih evakkoh , ken kunne piäsi .
Ämmön pereh ta vielä kolme perehtä (joka pereheššä nellin lapšin ) istuuvvuttih veneheh ta Seesjärven myöte lähettih pois .Šuomelaiset pommitettih , ka heijän onnistu puata .
Muutoma päivä elettih Segežašša ta šiitä monta perehtä issutettih tepluškoih ta työnnettih Uralin tuakše Kirovin alovehella .Matalla kipeyty vanhin Valentina-tytär ta kuoli , šiitä šairaštu Maša-ämmön muamo Anna , hiän kuoli šairalašša Kirovissa .Heijät molommat hauvattih šielä .
Evakošša Maša-ämmö ruato kolhosissa , lapšet kaytih kouluh lähimmäiseh Akatjevo-kyläh .Miun Jevdokija-muamo toičči autto Maša-ämmyö kolhosissa , hänen ruatopäivat lisättih ämmöllä .
Miun muamo muistau , jotta hyö elettih Jefrosinja Guščinan luona .
Muamoni lopetti evakošša šeiččemennen luokan .A 1944 vuotena tuli viesti , jotta Karjala on vapautettu .Maša-ämmö lapšineh läksi kotih päin .Enšin hyö tultih Masel’gskaja-ašemalla , šiitä Vojaččuh .Šielä ämmö ruato ammattikoulušša , a lapšet opaššuttih koulušša .
Konša Seesjärven piiri oli vapautettu , pereh myöšty Šuonteleh .Tultih toisetki perehet .Šuontelešša Romanovin taluo ei oltu poltettu , ni šiinä talošša ruvettih elämäh monet perehet .Hyö ruvettih rakentamah taloja ta ruatamah kolhosissa .
Šuontelen kyläštä ta šen eläjistä. 2
карельский: собственно карельское наречие
Новописьменный севернокарельский