Тексты
Вернуться к списку | редактировать | удалить | Создать новый | История изменений | Статистика | ? Помощь
Bobovoz Ol'ga . Kurkijoven kukkulat
Bobovoz Ol'ga
Kurkijoven kukkulat
карельский: собственно карельское наречие
Новописьменный севернокарельский
Miun
kylä Kurkijoki on šuuri ta vanha .Mie olen šyntyn täššä kyläššä ta elän tiälä koko elämän .Mie luven Oma Mua -lehtie ta opaššun karjalan kieltä .Tahon kirjuttua kotikyläštä .
Kurkijoven istorijallini nimi on Kirjaž .Še oli kaupunki kuuvvella kukkulalla .Mie ruan kotišeutumusejošša , ta istorijan tutkimini on miun šuuri harraššuš ta ammatti .
Musejon vaštapiätä Luatokan rannalla on Linnavuara .Šielä oli Lopotti-linna , kumpasen toini šeinä oli kivilöistä ta hiršilöistä – še puolušti viholliselta .A toisena šeinänä oltih talot .Niijen aluššat ta kivikiukuaraunivot vielä löyvytäh šielä .Lopotissa ruattih arheologit Ilmar Appelgrin , Tiodor Švint , Aleksandr Saksa ta Svetlana Kočkurkina Petroskoista .Hyö löyvettih šielä taloušvehkehie , ašeita ta jalokivikoruja .
Vuaralla oli kuattu puut , jotta Luatokan Laikanlahti näkyis .Nyt šielä kašvau harvoja puita , kumpasie issutettih 130 vuotta takaperin .
Mylämäki on jyrkkä ta pieni kukkula .Jyrkkä rinneh on kylän puolella , a loiva rinneh kaččou Luatokkah .Myllämäjellä kašvau monta tuomie , kukkua ta šammalie , ka mäntyjä on vähän .
Muissan , jotta lapšena kešäsin mie leikin šielä kaverien kera čokkoh , keräsin marjua ta kukkua .Yštävien kera myö rakentima pirttisie tuomen okšista .Talvisin myö laškoma jyrkkyä rinnehtä alaš .Miun lapšetki leikittih Myllämäjellä .
Viime kešänä Myllämäjellä oli löyvetty vanha kivikirveš šuuren kiven luona .Še oli käytetty kivikauven aikana .
Mäjen aluššalla on kolme taluo .Vanhašša puisešša talošša oli lapšienkoti .Toisešša eli šen johtaja .Vielä mäjen luona on hotelli .Vanha puini talo oli korjattu šitä varoin , šen piha kunnoššettu ta pantu kiikut Luatokon rannalla .
Myllämäki on hyvä paikka levähtämistä varoin .
Kurkijoven kukkulat
карельский: собственно карельское наречие
Новописьменный севернокарельский