Тексты
Вернуться к списку | редактировать | удалить | Создать новый | История изменений | Статистика | ? Помощь
Aleksandra Lesonen. Vuokkiniemi vietti Il’l’anpäivän ta 405-vuotisjuhlan
Aleksandra Lesonen
Vuokkiniemi vietti Il’l’anpäivän ta 405-vuotisjuhlan
карельский: собственно карельское наречие
Новописьменный севернокарельский
Elokuun
2. päivänä Vuokkiniemen runokylä piti šuuren 405-vuotisjuhlan .
Il’l’anpäivänä kyläššä kuulu karjalaisie lauluja ta kanšallista musiikkie .Vierahat ta eläjät pelattih kanšanpelilöih , opaššuttih karjalan kieltä , ošallissuttih kešäkukkavihkojen kilpailuh ta ihailtih poutapäivyä Kuittijärven rannalla .
Il’l’anpäivän juhlimini alko vielä 1. elokuuta .Kylätalon emännät Kataja-folkloriryhmäštä otettih vaštah karjalaini Oma Pajo -kanšankuoro , kumpani tuli Petroskoista kylän vuosijuhlah ihaššuttamah kaččojie omalla luomistyöllä .Kuoro peruššettih vuotena 1990 Karjalan Rahvahan Liiton alottehešta .Šen ohjelmistošša on karjalaisien kanšanperinnehta šekä perinteheh peruštujie lauluja , tanššija ta kisoja .Šamoin tapuamisešša esitettih paikallisien kotišeutututkijien valmistama Vuokkiniemen aikakirja .
Il’l’anpäivä alko 2. elokuuta Jumalanpalvelušta Pyhän Il’l’an kiriköššä .Seremonijan lopušša piettih rissinkulku ta čäijynjuonta .
Juhlaohjelma karjalan ta venäjän kielellä mäni aukivolla Ončin talon luona .Kaččojie ihaššutettih Kataja - ta Hete-folkloriryhmät , Otrada-yhtyveh , lapšien Otraduška-yhtyveh , Oma Pajo -kanšankuoro , Kalevala-kanšanlauluyhtyveh , Očarovaški-tanšširyhmä , Valerija Koškina ta A nam doma ne sidits’a -luovajoukko .
Vuokkiniemen vierahat ta eläjät šuatih ošallistuo eri hommih ta muasteri-oppiloih , kumpasie heilä valmissettih pruasniekan järještäjät , maistua karjalaisie ruokie , oštua paiksallisien käsityömuasterien luajokšie .Enši kertua pruasniekašša esiinty kuklateatteri .Dobront’or-joukon volont’orit näytettih venäläisie ta karjalaisie starinoja .
Aikuhiset ta lapšet pelattih interaktiiviseh Tolkku-Polku-pelih šekä uuteh karjalankieliseh Muisto Vuokkiniemeštä -pelih , kumpani on valmissettu Vuokkiniemen aapini -kirjan mukah ta kumpasešša joka kirjain etušti runokylän tärkeijen paikkojen , ihmisien ta henkilöjen nimijä .
Pruasniekan kirkkahana tapahtumana oli kešäkukkavihkojen kilpailu .Šiih ošallistu lapšie ta aikuhisie .Mielikuvitukšen avulla hyö kerättih kukkavihkoja ta kaunissettih niitä .
Aikuhisien kešeštä piäpalkinnon , Kulettajien valmissuškeškuš -autokoulun sertifikatin šai L’udmila Nikutjeva .Lapšien kešeštä voitti Angelina Radzevič .Kaččojien mieltymykšien palkinto šuatih Aleksandra Nikandrova ta Sofija Rigina .Kilpailun ošallistujat šuatih lahjoja Dodo Pizzalta , Respublika-kiinteistötoimistolta , virtualisen Avatar-arenan sertifikattija ta makeita lahjoja L’udmila Varavinalta .
– Il’l’anpäivänä šiä kuvašti keräytynyijen mielialua ! Perintehellini konserttiohjelma aukivolla oli hyvä .Pruasniekan piäkorissukšena oli Petroskoin Oma Pajo -kanšankuoron esityš .Mainijošti esiinnyttih kylän eläjät ta vierahat .Pruasniekašša oli hyvie vetäjie ta kirkkahie lavassukšie , šano omua mieltä karjalaisen kulttuurin Viena-šeuran ošallistuja Anna Martinkijan .
Pruasniekan järještäjinä oltih Sreda-kulttuurikehityškeškuš , Vuokkiniemen Kylätalo sponsorien , partn’orien , artistojen ta volont’orien kannatukšella .
Vuokkiniemi vietti Il’l’anpäivän ta 405-vuotisjuhlan
карельский: собственно карельское наречие
Новописьменный севернокарельский