Тексты
Вернуться к списку | редактировать | удалить | Создать новый | История изменений | Статистика | ? Помощь
Alina Gapejeva. Viizikymmen tonnua hardiel
Alina Gapejeva
Viizikymmen tonnua hardiel
карельский: ливвиковское наречие
Новописьменный ливвиковский
Oman
ammattipruazniekan kynnyksel Nuožarven endizet poštankandajat saneltah omas ruavos .
Nuožarven endizet poštankandajat Jevgenija Nikitična Larionova da Nina Nikolajevna BikovaBikova yhtes ruattih Nuožarven poštal läs 80 vuottu .Ku ruvennemmo lugemah , äijängo kilometrii on astunuh jogahine naine poštusumkanke hardiel , onnuako rodieu kuuzinoumerahine lugu .Kirjazien , lehtilöin da žurnualoin yhtehine paino rodieu läs viittykymmendy tonnua .
Vuvves 1963 Jevgenija Nikitična on ruadanuh poštankandajannu Nuožarves piäl 30 vuvven .Häi mustau , ku kirjastu Nuožarveh tuli ylen äijy , enimite pruazniekoin aigah .
– Toiči ičel pidi lugie kirjazii poštansuajile , ku kirjutustaba ei olluh selgei , mustelou Jevgenija Nikitična .
Naine toiči kandoi rahvahale savoin kirjazin da hyvittelykortiloin päiväs . Yhtes ruadopäiväs astui 25 kilometrii .Yhteh kodih toiči , tuli viizi-seiččie kirjastu .
Opiston loppiettuu Nina Bikova kerras tuli ruadoh Nuožarveh .Omas Nuožarves häi tiezi joga troppazen ,dai paikallizii eläjii tiezi nimel da ižännimel .
– Sih aigah rahvas tilattih , äijän julgavuo . Joga taloih , kandelin tukkuu lugemistu .Yhteh sumkah kai ei synnytty , sendäh minul oli ainos varakse vie yksi sumkaine .Minun kandamus painoi läs viizi-kuuzi kiluo , toiči vähembi libo enämbi .Minun ruado-aloveh oli suuri : Kiiškoiniemele kävyin , Kaskesniemele , kai Man’gahgi puutui kandua poštua .Toiči piäzin kohtale , siiriči ajajal mašinal , toiči jalloin pidi kogo matku astuo .
Toiči astut hämäris , ymbäristös nikedä ei ole ,vaiku kuuluu kridžinehty mečäspäi .Ylen äijäl varaitti , mustelou , Nina Nikolajevna .
Kaikkih vaigevuksih , kaččomattah Nina Nikolajevna suvaiččiomua ruaduo ,sehäi oli kiini ristikanzois .Poštankandajua kyläs tietäh da kunnivoijah , eläjil on hyviä mieldy nähtä händy .Poštankandajas voibi kyzyö abuu ezimerkise , kyzyö ostua da tuvva rohtuo , kyzyö nevvuo , libo muite tarattua uudizii čuajustolas .
– Tuot babilluo poštan , a häneljo kiehunuh čuainiekku da piiruat hiilavat stolal , muheloittanaine . –Ei sua keldävyö , hosgi kiireh on , abevutat .
Jälgivuozinnu kirjastu da lehtie äijäl väheni – elokseh tuli internettu .Rahvas jo ei työtä toine toizele hyvittelykortiloi , ku paistah telefonas .On kazvanuh vaiku tiijoituslistoin miäry .Sendäh voibi sanuo , ruaduo poštan ozastolois ei vähennyh .Nina Nikolajevna on ruadanuh poštal nellikymmen vuottu .Häi jätti ruadokohtan perehhommien periä .
Toiči händy kyzytäh tulla ruadoh , konzu nygözel poštankandajal on loma .Nina Nikolajevna mielihyväl avvuttau .Ruavos ei ole aigua igävöijä , dai pieni makso ei ole liigu eläkkeheläzele .
– Nygöi jallat jo ei olla moizet raviet , polvii kivistäy .Duumaičen , ku se on endizien satatuksien periä .Moni kerdua pakuin libiel tiel .Nygöi vaiku kodi da ogroduruadoloi hommuan .Toiči kävyn tiijustamah ,omii da lapsii bunukoinke .Nygöi poštu eläy jygielöi ,aigoi .Jo monis kylis poštanozastot salavattih .Nuožarvesgi jo ei ole poštua .Maksua kvitansiet , tilata lehti da , työndiä kirjaine on probliemu .Poštankandajannu palkan vuitil ruadau L’udmila Sokolova .Nuožarveläzii varaittau , ku konzu nygöine poštankandai jättäy oman ruavon , himoniekkua täh kohtah jo ei rodei .Nevvostoliiton aigua rahvas käytettih poštan palveluloi puaksumbah , migu nygöi .Poštankandajua vuotettih joga taloih , kunnivoittih da korgiesti arvostettih hänen ruaduo .Vaiku joga aijal omasruavos poštankandai sai ylen pienet den’gat .
Viizikymmen tonnua hardiel
карельский: ливвиковское наречие
Новописьменный ливвиковский