Тексты
Вернуться к списку | редактировать | удалить | Создать новый | История изменений | Статистика | ? Помощь
Kin’alahten rodih oma mediekku
Kin’alahten rodih oma mediekku
карельский: ливвиковское наречие
Новописьменный ливвиковский
Hyvä
uudine sih nähte ku Kin’alahten kyläh ruadoh tuli feršali ruttoh levii rahvahien keskes .Nygöi kylän feršalipunktu rubieu ruadamah joga päiviä ,ennehäi se ruadoi kerdu libo kaksi kerdua nedälis :mediekkuruadai ajeli kyläh Vieljärvelpäi .Alallistu ruadajua Raikevič El’vira Gennadjevnua kyläläzet vastattih ylen hyvin .
Enzimäine ruadopäivy oli aktiivine .Muite Kin’alahtel eläy enimyölleh eläkkehelästy .Kezäl rahvastu on äijiä enämbi .Kogo ruadopäivän aloh rahvas käydih suamah mediekkuabuu , kai murginan aigahgi oli patsientua .Oligi lapsii eri sattavuksienke .Pidäy sanuo , ku feršalipunktas on kaikkie enzimediekkuabuh niškoi .
– On vie äijy šeikkua jäi sellittämättäh , ga kai voibi sellittiä . Lähiaigua Priäžän piiribol’ničaspäi tullah spetsialistat sellittämäh moizii probliemoi , kui vien suandu , feršalipunktah da tiedokonehen käyttämine yhtehizes meediekkusistiemas .Kuni eiolluh alallistu ruadajua , nämä kyzymykset ei oldu moizet tärgiet .
Hyvä olis , ku feršalipunktas suajas oma telefon .Eläkkeheläzet ollah harjavunnuot moizeh yhtevykseh .Roinnougo mahto piiribol’ničal maksua sit , vie emmo tiijä .Tänäpäi feršalil ei ole ni virgusimkartua .A paista rahvahanke tulou äijy , sanou paikalline eläi L’udmila .
Mediekkualal El’vira Gennadjevna ei ole uuzi ristikanzu .Häi nellitostu vuottu oli ruadanuh voimattoman hoidajannu Videles , sit kaksi vuottu Priäžän piiribol’ničan miärävön mugah opastui feršalikse Petroskoin mediekkukolledžas sih niškoi , ku lähtie ruadoh Kin’alehten feršalipunktah .Kin’alehtele häi rubieu ajelemah omal mašinal Suurimäilpäi .
Kin’alahten rodih oma mediekku
карельский: ливвиковское наречие
Новописьменный ливвиковский