Тексты

Nikandrova Anna . Kylä eläy tavallah

подкорпус: публицистические тексты

Источник:

Oma mua. № 32, 2025, с. 5

Nikandrova Anna

Kylä eläy tavallah

карельский: собственно карельское наречие
Новописьменный севернокарельский

Elokuun
10. päivänä
Vuonnisen runokyläššä vietettih
perintehellini karjalaini
Marja-Makovei-pruasniekka.

Tilaisuš enši
kertua
mäni
Vuonnisen istrorijallis-kulttuurisešša keškukšešša
Jyrkkilän Termällä
vuotena
2013 kunnoššetun časoun’an
lähellä
, mi
rakennettih
Into Konrad Inhan
vuotena
1894 luatiman valokuvan
mukah
.
Pruasniekan
uattona Vuonnisen eläjät
vietettih
šiinä
paikašša
šuuri
supotniekka.
Erikoista
ilmapiirie pruasniekalla
anto
Jurii Gladiševin ohjuaman Kalevalan
pos’olkan kantelistien kanšanyhtyvehen esityš. Oli
unohtumatointa ta
liikuttavua kuunnella
kantelen
musiikkie
juuri
šiinä
, Ylä-Kuittijärven Kylänšalmen rannalla
, missä
melkein
200 vuotta
takaperin
tunnettu
runonlaulaja Ontrei Malinen taitavašti šoitti
viisikielisellä kantelella
ta
esitti
runoja. Yhtyvehen šävelet puitto vietih
läššäolijie männeisyöh, konša
niissä
paikoissa
eli
kuulusie runonlaulajie ta
starinankertojie, kumpaset
rikaššettih koko
muailman
kulttuurie
.
Oli
mielusa
kuulla
nerokkahan
kalevalalaisen Jevgenija Haverisen esittämie lauluja
karjalan
kielellä
. Lokka-tanšširyhmän artistat
esitettih
kanšallisie
tanššija
, kumpasih
Laina Zinnurovan joholla
ošallistu
kaččojieki. Perintehellisešti pruasniekan
vierahie
yhisti
kirkaš
karjalaini
kruuka.
Juhlan
lopušša
juotih
tuokšujua čäijyö
karjalaisine kalittoineh
ta
piiraineh
, kumpasie
paissettih
taitajat emännät
Vuonnisen kyläštä
ta
Luušalmen pos’olkašta.
Šuuret
passipot pruasniekan
järještäjillä, Kalevalan
piirin
kulttuuritalon artistoilla
, Vuonnisen eläjillä
ta
vierahilla
karjalaisen
Marja-Makovei-pruasniekan vieton perintehen
šäilyttämiseštä Vuonnisen kyläššä
.