Тексты
Вернуться к списку | редактировать | удалить | Создать новый | История изменений | Статистика | ? Помощь
Sem’onov P’otr . Kui varras iččiedäh menetti
Sem’onov P’otr
Kui varras iččiedäh menetti
карельский: ливвиковское наречие
Новописьменный ливвиковский
Yöl
varras nouzi kauppumiehen vuiškale .Sie häi valličči turkii , paltinua da tahtoi heittyö , ga öntästyi verkoh da rubei iändämäh .Kauppumies kuuli : milienne ylähän kolizou , nostatti ruadoniekan da tuohuksen kel lähti vuiškale .Unimielis ruadoniekku sanoi kauppumiehele :
– Midäbo on kaččuo , ei ole nikedä , ollou ku kaži ?
Ga kauppumies yksikai lähti vuiškale .Varras vai kuuli kenen lienne tulendan , pani turkit da paltinat endizele kohtale da rubei eččimäh peittokohtua .Häi nägi suuren tukun .A se oli tabakkulehtituuku .Varras kaivoi tabakat , liččavui sydämeh da kattoihes tabakoil .Kuulou , tuldih kahtei da paistah .Kauppumies sanoi :
– Minä kuulin : milienne jygei jyrähtih .
A ruadoniekku sanoi :
– Mibo sai yristä . Vikse kaži libo koinižändy .
Kauppumies meni tabakkutukus siiriči , ei huomannuh nimidä da sanoi :
– Tottu vikse ozuttihes , ei ole nikedä , läkkä vai iäres .
Varras kuulou , hyö lähtietäh iäres da duumaiččou :nygöi keriän kai uvvessah da tungemmos ikkunah .
Vargahan neniä rubei kut'kuttamah da händy rubei hirnuttamah .
Häi täppäi käil suun , ga kut'kuttamah rubei vie enämbäl .Häi ei voinnuh tirpua .Kauppumies da ruadoniekku jo ruvettih lähtemäh , kuultah :ken sie hirnunou čupus ?
– Čih , čih ! A-ap čih !
Hyö kiännyttih da tavattih varras .
Kui varras iččiedäh menetti
карельский: ливвиковское наречие
Новописьменный ливвиковский