Тексты
Вернуться к списку | редактировать | удалить | Создать новый | История изменений | Статистика | ? Помощь
Sem’onov P’otr . Jänöit
Sem’onov P’otr
Jänöit
карельский: ливвиковское наречие
Новописьменный ливвиковский
Jänöit
syvväh yölöil .Talvel mečäs jänöit syvväh puuloin kojua , peldoloil jänöit syvväh syvysvil’l’ua da heiniä .Riihijänöit syvväh leivän jyviä riihis .
Yöl jänöit lundu myö azutah syvä da nägevy tie .Jänölöi meččuijah rahvas , koirat , hukat , reboit , varoit dai kotkat .Gu jänöi kävelis oigieh , sit jo huondeksel ruttoh jälgii myö sidä löyttäs da tavattas .No jänöile Jumal andoi varavon da varavo puolistan sidä .
Jänöi kävelöy yölöil peldoloi myö da mečäs varuamata azuu oiginazet jället .No vai tulou huondes , sen vihaniekat havačutah da jänöi rubieu kuulemah koiran haukundan , rien vingehen , mužikoin iänet , hukan hiivondan mečäs .Sit jänöi pöllästyksis rubieu huškamah sinne-tänne .Juoksou edehpäi , pöllästyy midätahto da punaldah tuaksepäi iččeh jälgie myö .Konzu kol’l’uau mitahto , se punaldah tuaksepäi da myös juoksou bokkah .Konzu valgenou , se vieröy .
Huondeksel mečästäjät ruvetah sellittämäh jänöin jälgii , segovutah kaksinazii jälgii da harvoi hyppävyksii myö da diivitähes jänöin viizahuttu .A jänöi ei ni duumainnuh viizastua .Se vaiku varuau kaikkie .
Jänöit
карельский: ливвиковское наречие
Новописьменный ливвиковский