Тексты
Вернуться к списку | редактировать | удалить | Создать новый | История изменений | Статистика | ? Помощь
Sem’onov P’otr . Tyttöine da grivat
Sem’onov P’otr
Tyttöine da grivat
карельский: ливвиковское наречие
Новописьменный ливвиковский
Tyttözet
kahtei astuttih kodih grivanke .
Vuottamattah rubei kuulumah junan jyry .Vahnembi tyttöine kiändyi järilleh , a pienembi juoksi poikki rauduties .Vahnembi tyttöine kirgualdi sizärele :
– Älä tule järilleh !
Ga juna oli ylen lähäl da ylen ravieh humizi .Pienembi tyttöine ei kuulluh .Häi duumaičči händy kučutah järilleh poikki rauduties , öntästyi , kirvotti grivat da rubei keriämäh niilöi .
Juna oli lähäl da ohjuaju viheldi täytty vägie .Vahnembi tyttöine kirgui :
– Jätä grivat !
A pieni tyttöine duumaičči hänele käskietäh kerätä grivat da häi ryydeli raudutiedy myö .
Ohjuaju ei voinnuh azettua junua .Se viheldi täytty vägie da ajoi tyttözes piäliči .
Vahnembi tyttöine kirgui da itki .Kai matkustajat kačottih vagonan ikkunois , a konduktor juoksi junan loppuh kaččomah midä rodih tyttözele .
Konzu juna meni ielleh , kaikin nähtih : tyttöine viruu rel'soin välis piähyt alahan da ei ni lekahtai .
A sit häi nosti piähyön , nouzi polvilleh , keräi grivat da juoksi sizären luo .
Tyttöine da grivat
карельский: ливвиковское наречие
Новописьменный ливвиковский
–
–