Тексты
Вернуться к списку | редактировать | удалить | Создать новый | История изменений | Статистика | ? Помощь
Marija Kirillova. Petroskoissa vietettih pedagogini forumi
Marija Kirillova
Petroskoissa vietettih pedagogini forumi
карельский: собственно карельское наречие
Новописьменный севернокарельский
Elokuun
lopušša Petroskoissa vietettih Tašavallan elokuini yhteiskunnallispedagogini forumi .Opaštujilla esitettih opaššukšen alan projektien toteuttamisen tulokšie .
Elokuun 27. päivänä luomistyön ta opaššukšen Petrovskii-talo-keškukšen tiloissa vietettih Tašavallan elokuini yhteiskunnallis-pedagogini forumi .Joka vuosi opaššušvuuvven alun kynnykšellä tilaisuš keryäy opaššušjärještöjen johtajie ta pedagogija , kašvatušopillisen yhteiskunnan etuštajie , työveteranija , ammattiliittojen johtajie , Karjalan opaššušsistemin sosialipartn’orija šekä lakienluajinta - ta toimehpanijavallan etuštajie .
Plenari-issunnon alušša Karjalan tašavallan varapiäministeri Larisa Podsadnik kiänty forumin ošallistujien puoleh alovehen piämiehen Artur Parfenčikovin puolešta .Hiän kerto kanšallisprojektien toteuttamisen tulokšista Karjalašša šekä myönti virašto - ta valtijopalkintoja pedagogisilla ruatajilla .
– Vuotena 2024 Karjalašša on turvattu esikouluopaššukšen šataprosenttini šuatavuš kaikenikäsillä lapšilla . On avattu viisi uutta kouluo , on uuvvissettu urheilu - ta liikuntalaittehie , on oššettu tarvittavie konehie , laittehie , tietokonehohjelmie .Šamoin on uuvvissettu kolledžien ta tehnikumien ainehellis-teknillini perušta , šano Larisa Podsadnik .– Uuvven Nuoriso ta lapšet -kanšallisprojektin federalisen Koulu-opaššušsistemien modernisointa -ohjelman rajoissa jatkuu koulujen peruškorjauš . Vuuvvešta 2022 tašavallašša on korjattu 34 kouluo .Tänä vuotena työt männäh 14 rakennukšešša .
Karjalan tašavallan opaššuš - ta urheiluministeri Natalja Karmazina kerto uuvven opaššušvuuvven uuvvisukšista ta valmissettavašta Venäjän opaššukšen kehityšstrategijašta vuoteh 2036 šuaten .Ministeri kiinitti huomijuo šiih , jotta kouluih pantih käyttöh agroteknologini šuunta , korošti luonnontiijollisen opaššukšen luavun korottamisen tärkevyttä ta kerto šiirrošta yhtenäisih valtijon ohjelmih ta opaššuškirjoih .
VK-yhtijön varapresidentti Rustam Haibullov kerto , mitein opaššušprosessih pannah käyttöh kanšallista Maks-viestivälie .Forumin enšimmäisen ošan lopušša Piiterin Venäjän valtijollisen pedadogisen A . I . Gertsenillä nimitetyn yliopiston professori Jelena Piskunova esitti šeloššukšen "Pedagogiset ruatajat – opaššukšen innovatiivisen kehitykšen pohja ".
Šamoin forumin ohjelmašša oli alovehellini neuvottelu paikallisen ičehallitukšen elimien johtajien kera šekä temaattiset ošaštot Petroskoin eri opaššušlaitokšien tiloissa .A illalla vietettih tašavallan vanhempien kokouš .
Forumin järještäjinä ollah Karjalan tašavallan urheilu - ta opaššušministerijö šekä Karjalan opaššukšen kehityšinstituutti .
Petroskoissa vietettih pedagogini forumi
карельский: собственно карельское наречие
Новописьменный севернокарельский